കൊല്ലം: കേ​ന്ദ്ര സർ​ക്കാർ പ്ര​സി​ദ്ധീ​ക​രി​ച്ച ബ്ലൂ ഇ​ക്കോ​ണ​മി ക​ര​ട് നയത്തിലെ നിർ​ദ്ദേ​ശ​ങ്ങൾ മ​ത്സ്യ​ത്തൊ​ഴി​ലാ​ളി വി​രു​ദ്ധ​മാ​ണെ​ന്നും നയം പിൻവ​ലി​ക്ക​ണ​മെ​ന്നും മ​ന്ത്രി ജെ. മേ​ഴ്‌​സി​ക്കു​ട്ടിഅ​മ്മ പറഞ്ഞു. മ​ത്സ്യ ഉ​ത്പാ​ദ​ന വർ​ദ്ധ​ന​വി​നും ധാ​തുഖ​ന​ന​ത്തി​നും വ്യ​വ​സാ​യ അ​ടി​സ്ഥാ​ന സൗ​ക​ര്യ വി​ക​സ​ന​ത്തി​നും മൂ​ല​ധ​ന നി​ക്ഷേ​പം ആ​കർ​ഷി​ക്കാൻ ല​ക്ഷ്യ​മി​ടു​ന്നതാണ് നയം. എ​ന്നാൽ ക​ട​ലി​നെ ആ​ശ്ര​യി​ച്ച് ക​ഴി​യു​ന്ന മത്സ്യത്തൊഴി​ലാ​ളി​ക​ളു​ടെ സാ​മൂ​ഹ്യ, സാ​മ്പ​ത്തി​ക വി​ക​സ​ന​ത്തി​നു​ള്ള നിർ​ദ്ദേശ​ങ്ങളൊന്നും ഇതിൽ ഉൾപ്പെടുത്തിയിട്ടില്ല.

ഇ​ത്ത​ര​മൊ​രു വി​ക​സ​ന നയം ത​യ്യാ​റാ​ക്കു​മ്പോൾ ക​ട​ലോ​ര സം​സ്ഥാ​ന​ങ്ങ​ളു​മാ​യി ചർ​ച്ച ചെ​യ്യാൻ കേ​ന്ദ്ര സർ​ക്കാർ ത​യ്യാ​റാ​ക​ണ​മാ​യി​രു​ന്നു. പ്രവിശ്യകളിലെ ക​ട​ലിൽ നിന്നുള്ള മ​ത്സ്യബ​ന്ധ​നം ഇ​ന്ത്യൻ ഭ​ര​ണ​ഘ​ട​ന പ്രകാരം സം​സ്ഥാ​ന​ങ്ങ​ളു​ടെ അ​ധി​കാ​ര പ​രി​ധി​യിലുള്ള വി​ഷ​യ​മാ​ണ്. എന്നാൽ സം​സ്ഥാ​ന​ങ്ങ​ളു​മാ​യി ഇക്കാര്യത്തിൽ യാ​തൊ​രു​വി​ധ ചർ​ച്ച​യും കേ​ന്ദ്ര സർ​ക്കാർ ന​ട​ത്തി​യി​ട്ടി​ല്ല. സം​സ്ഥാ​ന ഫി​ഷ​റീ​സ് വ​കു​പ്പി​ന് നയത്തിന്റെ പകർപ്പ് പോ​ലും അ​യ​ച്ചു​ത​രാൻ കേ​ന്ദ്രം ന​ട​പ​ടി​ സ്വീകരിച്ചില്ല.

മ​ത്സ്യവി​ഭ​വ സം​ര​ക്ഷ​ണം, പ​രി​പാ​ല​നം, മ​ത്സ്യ​ത്തൊ​ഴി​ലാ​ളി സു​ര​ക്ഷ, മ​ത്സ്യ സ​ഹ​ക​ര​ണ സം​ഘ​ങ്ങ​ളു​ടെ ശാ​ക്തീ​ക​ര​ണം, സ്​ത്രീ ശാ​ക്തീ​ക​ര​ണം തുട​ങ്ങി​യ കാ​ര്യ​ങ്ങ​ളി​ൽ നയം മൗ​നം പാ​ലി​ക്കു​കയാണ്. ആ​ഴ​ക്ക​ടൽ മ​ത്സ്യബ​ന്ധ​ന​ത്തി​ന് പ​ര​മ്പ​രാ​ഗ​ത മ​ത്സ്യ​ത്തൊ​ഴി​ലാ​ളി​ക​ളെ പ്രാപ്തരാ​ക്കു​ക, ചെറു​കി​ട​​ നാ​മമാ​ത്ര മ​ത്സ്യബ​ന്ധ​ന​ത്തി​ന് പ്രോ​ത്സാ​ഹ​നം, ഇൻ​ഷു​റൻ​സ് പ​രി​ര​ക്ഷ എന്നിവയും നയത്തിന്റെ ഭാഗമാകുന്നില്ല. പി.പി.പി മാതൃകയിൽ സ്വ​കാ​ര്യ നി​ക്ഷേ​പ​ക​രെ ആ​ഴ​ക്ക​ടൽ മ​ത്സ്യ​ബ​ന്ധ​ന​ത്തി​ന് അ​നു​വ​ദി​ച്ചാൽ തൊ​ഴി​ലാ​ളി​ക​ളെ അ​ണി​നി​ര​ത്തി അ​തി​നെ ചെറുക്കുമെന്നും മന്ത്രി പറഞ്ഞു.