തൃശൂർ: പൊതുവിദ്യാഭ്യാസ സംരക്ഷണയജ്ഞത്തിന്റെ ഭാഗമായി ജില്ലയിൽ 16 സ്‌കൂളുകൾ കൂടി മികവിന്റെ കേന്ദ്രങ്ങളാകുന്നു. ഇന്ന് രാവിലെ 10 ന് മുഖ്യമന്ത്രി പിണറായി വിജയൻ ഓൺലൈനായി വിദ്യാലയങ്ങളുടെ ഉദ്ഘാടനം നിർവഹിക്കും. കിഫ്ബി, പ്ലാൻ ഫണ്ട്, എസ്.എസ്.കെ ഫണ്ട് എന്നിവയിൽ ഉൾപ്പെടുത്തിയാണ് വിദ്യാലയ കെട്ടിടങ്ങൾ പണിതുയർത്തിയത്.

നേരത്തെ 21 സ്‌കൂൾ കെട്ടിടങ്ങൾ മികവിന്റെ കേന്ദ്രങ്ങളാക്കി ഉയർത്തിയിരുന്നു. 2020 സെപ്തം. ഒമ്പത്, ഒക്ടോ. 3, നവം. 4 തിയതികളിലായാണ് വിവിധ സ്‌കൂളുകൾ മികവിന്റെ കേന്ദ്രങ്ങളാക്കിയത്. കിഫ്ബിയുടെ അഞ്ച് കോടിയിൽ ഉൾപ്പെട്ട ഒരു സ്‌കൂളും മൂന്ന് കോടിയിൽ ഉൾപ്പെട്ട അഞ്ച് സ്‌കൂളും പ്ലാൻ ഫണ്ട്, എസ്.എസ്.കെ ഫണ്ട്, മറ്റ് ഫണ്ടുകൾ എന്നിവയിൽ ഉൾപ്പെട്ട 10 സ്‌കൂളുകളുമാണ് ഉദ്ഘാടനം ചെയ്യുന്നതെന്ന് പൊതു വിദ്യാഭ്യാസ സംരക്ഷണയജ്ഞം ജില്ലാ കോർഡിനേറ്റർ മുഹമ്മദ് സിദ്ദീഖ് അറിയിച്ചു.

വിദ്യാഭ്യാസ മന്ത്രി സി. രവീന്ദ്രനാഥ് അദ്ധ്യക്ഷത വഹിക്കും. ധനമന്ത്രി ഡോ. എം. തോമസ് ഐസക്ക് മുഖ്യപ്രഭാഷണം നടത്തും. മന്ത്രിമാരായ ഇ.പി ജയരാജൻ, കെ.കെ ശൈലജ, എ.സി മൊയ്തീൻ, വി.എസ് സുനിൽകുമാർ, പി. തിലോത്തമൻ, എ.കെ ബാലൻ തുടങ്ങിയവർ മുഖ്യാതിഥികളാകും. പൊതു വിദ്യാഭ്യാസ സെക്രട്ടറി എ. ഷാജഹാൻ, പൊതു വിദ്യാഭ്യാസ ഡയറക്ടർ കെ. ജീവൻ ബാബു, ചീഫ് വിപ്പ് അഡ്വ. കെ. രാജൻ, എം.എൽ.എമാരായ ബി.ഡി ദേവസി, യു.ആർ പ്രദീപ്, കെ.വി അബ്ദുൾ ഖാദർ എന്നിവർ പങ്കെടുക്കും.

മികവിൽ മിന്നുന്നവ

നന്തിക്കര ജി.വി.എച്ച്.എസ്.എസ്

കണ്ടശ്ശാംകടവ് പി.ജെ.എം.എസ്.എച്ച്.എസ്.എസ്

ചേലക്കര എസ്.എം.ടി.എച്ച്.എസ്.എസ്

വില്ലടം ജി.എച്ച്.എസ്.എസ്, പീച്ചി ജി.എച്ച്.എസ്.എസ്

വരവൂർ ജി.എച്ച്.എസ്.എസ്

പുതുക്കാട് ജി.വി.എച്ച്.എസ്.എസ്

നന്തിപ്പുലം ജി.യു.പി.എസ്

കോടാലി ജി.എൽ.പി.എസ്

മൂർക്കനിക്കര ജി.യു.പി. എസ്

കൊരട്ടി പി.എൽ.പി.എസ്

വടുതല ജി.യു.പി.എസ്

ചാലക്കുടി ജി.ജി.എച്ച്.എസ്

ചമ്മന്നൂർ ജി.എൽ.പി.എസ്

തൃക്കൂർ ടി.പി.എസ്.എച്ച്.എസ്.എസ്

തൃക്കൂർ ടി.പി.എസ്.എച്ച്.എസ്