കൊടുങ്ങല്ലൂർ: കഴിഞ്ഞ അഞ്ച് വർഷം സർക്കാർ നടത്തിയ വികസന പ്രവർത്തനങ്ങൾ ആസ്പദമാക്കി ഇൻഫർമേഷൻ ആൻഡ് പബ്ലിക് റിലേഷൻ വകുപ്പിന്റെ ജില്ലാ ഇൻഫർമേഷൻ ഓഫീസ് നടത്തുന്ന ഫോട്ടോ പ്രദർശനത്തിന് തുടക്കമായി. രണ്ട് ദിവസങ്ങളിലായി നടത്തുന്ന പ്രദർശനം പൊലീസ് മൈതാനിയിൽ അഡ്വ. വി.ആർ. സുനിൽകുമാർ എം.എൽ.എ ഉദ്ഘാടനം ചെയ്തു. ഇ.ടി. ടൈസൺ മാസ്റ്റർ എം.എൽ.എ മുഖ്യാതിഥിയായി.

സർക്കാരിന്റെ ജനക്ഷേമ പ്രവർത്തനങ്ങളും വികസന പദ്ധതികളും കോർത്തിണക്കിയ 50 ചിത്രങ്ങളാണ് പ്രദർശിപ്പിച്ചിരിക്കുന്നത്. 14 വരെ നീണ്ടു നിൽക്കുന്ന പ്രദർശനം ഇരിങ്ങാലക്കുട, വടക്കാഞ്ചേരി, ചാലക്കുടി, കുന്നംകുളം എന്നിവിടങ്ങളിൽ രണ്ട് ദിവസം വീതം നടത്തും. നഗരസഭ ചെയർപേഴ്‌സൺ എം.യു. ഷിനിജ അദ്ധ്യക്ഷത വഹിച്ച ചടങ്ങിൽ നഗരസഭ വൈസ് ചെയർമാൻ കെ.ആർ. ജൈത്രൻ, ജില്ലാ ഇൻഫർമേഷൻ ഓഫീസർ നിജാസ് ജുവൽ തുടങ്ങിയവർ പങ്കെടുത്തു.