തൃപ്രയാർ: നാട്ടിക തട്ടുപറമ്പിൽ മാറാട്ട് വേട്ടുവന്ത്ര താണിശ്ശേരി വെൽവെട്ടിക്കാവ് ശ്രീഭഗവതി ക്ഷേത്ര മഹോത്സവം ആഘോഷിച്ചു. രാവിലെ നിർമ്മാല്യ ദർശനം, മഹാഗണപതി ഹോമം, ഉഷപൂജ, കലശപൂജ, കലശാഭിഷേകം, കാഴ്ച ശീവേലി, ഉച്ചപൂജ, ശ്രീഭൂതബലി, വൈകിട്ട് എഴുന്നള്ളിപ്പ്, കലം മയക്കൽ, ദീപാരാധന, ദേവാനന്ദ മേളങ്ങൾ, ഗുരുതി എന്നിവ നടന്നു. ചിറക്കൽ കാളിദാസൻ ഭഗവതിയുടെ തിടമ്പേറ്റി. പഞ്ചവാദ്യത്തിനും ചെണ്ടമേളത്തിനും പൂനാരി ഉണ്ണിക്കൃഷ്ണൻ നേതൃത്വം നൽകി. തന്ത്രി ഡോ. കാരുമാത്ര വിജയൻ മുഖ്യകാർമ്മികത്വം വഹിച്ചു. വൈകിട്ട് നവോദയ ക്ലബ്ബിന്റെ ദീപാലങ്കാരവും നടന്നു. ക്ഷേത്രം പ്രസിഡന്റ് ഷൈൻ സുരേന്ദ്രനാഥ്, സെക്രട്ടറി അഭിലാഷ്, മുരളീധരൻ, ജ്യോതി, സുജനൻ എന്നിവർ ചടങ്ങുകൾക്ക് നൽകി.