കൊടുങ്ങല്ലൂർ: ആധുനിക ഇന്ത്യയുടെ നിലനിൽപ്പിനായുള്ള സമരമാണ് കർഷകർ നടത്തുന്നതെന്ന് സുനിൽ പി. ഇളയിടം പറഞ്ഞു. കർഷകർക്കൊപ്പം മുസ്‌രിസ് എന്ന പേരിൽ ടി.എൻ ജോയ് ഫൗണ്ടേഷൻ സംഘടിപ്പിച്ച സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.

നവ ഉദാരവത്കരണം കർഷകരെ തകർത്തു. 4 ലക്ഷം പേർ ആത്മഹത്യ ചെയ്തു. ചമ്പാരൻ എന്ന പോലെ ജനങ്ങളുടെ അടിസ്ഥാന പ്രശ്നത്തിൽ നിന്നാണ് ഈ സമരം ഉണ്ടായത്. ഫാസിസത്തിന് സാമ്പത്തിക ശാസ്ത്രമുണ്ട്. മൂലധനവും ഭരണകൂടവും തമ്മിലുള്ള സമ്പൂർണമായ ഐക്യമാണ് ഫാസിസം.

കർഷകരുടെ ജീവനോപാധികളെ കുത്തകകൾക്ക് അടിയറവയ്ക്കുന്നതിനെതിരെ സമരവേലിയേറ്റം ഉണ്ടാകുമെന്നും സുനിൽ പി. ഇളയിടം പറഞ്ഞു. കെ. എം ഗഫൂർ അദ്ധ്യക്ഷനായി. അമ്പാടി വേണു, കെ. വി വസന്തകുമാർ,​ അഡ്വ: ബിജു കുമാർ, അഡ്വ. അഷറഫ് സാബാൻ, യു. ടി പ്രേംനാഥ് എന്നിവർ സംസാരിച്ചു.