കൊടുങ്ങല്ലൂർ: പി. ഭാസ്‌കരൻ മെമ്മോറിയൽ ഗവ. ഹയർ സെക്കൻഡറി സ്കൂളിൽ കിഫ്ബി ഫണ്ട് മൂന്ന് കോടി ഉപയോഗിച്ച് നിർമ്മിച്ച കെട്ടിടം മുഖ്യമന്ത്രി പിണറായി വിജയൻ വീഡിയോ കോൺഫറൻസിംഗിലൂടെ നാടിന് സമർപ്പിച്ചു. വിദ്യാഭ്യാസ മന്ത്രി പ്രൊഫ. സി. രവീന്ദ്രനാഥ് അദ്ധ്യക്ഷത വഹിച്ചു. ധനകാര്യ മന്ത്രി ഡോ. തോമസ് ഐസക് മുഖ്യപ്രഭാഷണം നടത്തി. അഡ്വ. വി.ആർ സുനിൽകുമാർ എം.എൽ.എ സ്‌കൂൾ കെട്ടിടത്തിന്റെ ശിലാഫലകം അനാച്ഛാദനം ചെയ്തു. ബെന്നി ബെഹനാൻ എം.പി മുഖ്യാതിഥിയായി. നഗരസഭ ചെയർപേഴ്സൺ എം.യു ഷിനിജ, വൈസ് ചെയർമാൻ കെ.ആർ ജൈത്രൻ, നഗരസഭ വിവിധ സ്റ്റാൻഡിംഗ് കമ്മിറ്റി ചെയർമാന്മാരായ കെ.എസ് കൈസാബ്, ഒ.എൻ ജയദേവൻ, ലത ഉണ്ണികൃഷ്ണൻ, എൽസി പോൾ, ഷീല പണിക്കശ്ശേരി, വാർഡ് കൗൺസിലർ അഡ്വ. ഡി.ടി വെങ്കിടേശ്വരൻ, പൊതുവിദ്യാഭ്യാസ സെക്രട്ടറി കെ. ഷാജഹാൻ, സ്‌കൂൾ പ്രിൻസിപ്പൽ പി.കെ മോഹിനി തുടങ്ങിയവർ സംബന്ധിച്ചു.