covid

തൃശൂർ: ജില്ലയിൽ 503 പേർക്ക് കൂടി കൊവിഡ് സ്ഥിരീകരിച്ചു. 404 പേർ രോഗമുക്തരായി. ജില്ലയിൽ രോഗബാധിതരായി ചികിത്സയിൽ കഴിയുന്നവരുടെ എണ്ണം 4143 ആണ്. തൃശൂർ സ്വദേശികളായ 87 പേർ മറ്റു ജില്ലകളിൽ ചികിത്സയിൽ കഴിയുന്നു. സമ്പർക്കം വഴി 489 പേർക്കാണ് രോഗം സ്ഥിരീകരിച്ചത്. കൂടാതെ മൂന്ന് ആരോഗ്യ പ്രവർത്തകർക്കും, സംസ്ഥാനത്തിന് പുറത്തുനിന്ന് എത്തിയ ആറ് പേർക്കും, രോഗ ഉറവിടം അറിയാത്ത 05 പേർക്കും രോഗബാധ ഉണ്ടായിട്ടുണ്ട്.

രോഗ ബാധിതരിൽ 60 വയസ്സിനു മുകളിൽ 46 പുരുഷൻമാരും 30 സ്ത്രീകളും പത്ത് വയസ്സിനു താഴെ 17 ആൺകുട്ടികളും 20 പെൺകുട്ടികളുമുണ്ട്. 339 പേർ പുതിയതായി ചികിത്സയിൽ പ്രവേശിച്ചതിൽ 86 പേർ ആശുപത്രിയിലും 253 പേർ വീടുകളിലുമാണ്.