തൃശൂർ: നടിയെ ആക്രമിച്ച കേസിൽ സ്‌പെഷ്യൽ പബ്ലിക് പ്രോസിക്യൂട്ടർ അഡ്വ. വി.എൻ. അനിൽകുമാറിനെ സഹായിക്കുന്നതിന് തൃശൂർ ജില്ലാ അഡിഷണൽ പബ്ലിക് പ്രോസിക്യൂട്ടർ അഡ്വ. കെ.ബി. സുനിൽകുമാറിനെ നിയോഗിച്ച് സർക്കാർ ഉത്തരവായി.

ചാലക്കുടി സ്വദേശിയായ അഡ്വ. കെ.ബി. സുനിൽകുമാർ 2016ൽ ജില്ലാ അഡിഷണൽ ഗവൺമെന്റ് പ്ലീഡറും പബ്ലിക് പ്രോസിക്യൂട്ടറുമായി. ചാവക്കാട് അഡിഷണൽ പബ്ലിക് പ്രോസിക്യൂട്ടറായും പ്രവർത്തിച്ചിട്ടുണ്ട്.

ചാലക്കുടി നഗരസഭാ അദ്ധ്യക്ഷനുമായിരുന്നു.

കേസിൽ വാദം കേൾക്കുന്നതിന് ഹൈക്കോടതി ഉത്തരവ് പ്രകാരം വനിതാ ജഡ്ജിനെ നിയോഗിച്ചിരുന്നു. എറണാകുളം സി.ബി.ഐ പ്രത്യേക കോടതിയിൽ അഡിഷണൽ ജില്ലാ ജഡ്ജ് ഹണി എം. വർഗീസ് മുമ്പാകെയായിരുന്നു വാദം.