ഒരിടവേളയ്ക്ക് ശേഷം രാജസ്ഥാൻ നിയമസഭാ മന്ദിരം വീണ്ടും വാർത്തകളിലിടം നേടുകയാണ്. ' പ്രേത ശല്യ'വും വാസ്തുവും പൂജയും തുടങ്ങിയ ഒരുകൂട്ടം വിചിത്ര വാദങ്ങളാണ് മന്ദിരത്തിന് നേരെ ഉയരുന്നത്. അടിക്കടി നടക്കുന്ന ഉപതിരഞ്ഞെടുപ്പുകളും നിയമസഭാ മന്ദിരം അത്ര പന്തിയല്ല എന്ന വാദത്തിന് ശക്തി പകരുകയാണെന്നാണ് സംസാരം.

2000 ത്തിനും 2019നും ഇടയിൽ ഏകദേശം 27 ഉപതിരഞ്ഞെടുപ്പുകളാണ് രാജസ്ഥാൻ നിയമസഭയിൽ നടന്നത്. കൂടാതെ നാല് എം.എൽ.എമാരുടെ മരണത്തെ തുടർന്ന് ഒഴിഞ്ഞു കിടക്കുന്ന നാല് നിയമസഭാ സീറ്റുകളിലേക്കുള്ള ഉപതിരഞ്ഞെടുപ്പുകൾ ഈ വർഷമാണ് നിശ്ചയിച്ചിരിക്കുന്നത്. ഇതോടെ കഴിഞ്ഞ 20 വർഷത്തിനിടെ രാജസ്ഥാനിൽ നടന്ന ഉപതിരഞ്ഞെടുപ്പുകളുടെ എണ്ണം 31 ആവുന്നു.