തിരുവനന്തപുരം: നാഷണൽ ട്രസ്റ്റിന്റെ നിരാമയ ആരോഗ്യ ഇൻഷ്വറൻസ് പദ്ധതിയുടെ വാർഷിക പോളിസി പുതുക്കുന്നതിന് 90,86,300 രൂപ അനുവദിച്ചു. 55,778 ഗുണഭോക്താക്കൾക്ക് പ്രയോജനം ലഭിക്കും. ഓട്ടിസം, സെറിബ്രൽ പാൾസി, ബുദ്ധി മാന്ദ്യം, മൾട്ടിപ്പിൾ ഡിസെബിലിറ്റി എന്നിവ ബാധിച്ചവർക്ക് ആരോഗ്യ സുരക്ഷ ഉറപ്പാക്കുന്നതിനുള്ള പദ്ധതിയാണിത്. ഗുണഭോക്താക്കൾ നാഷണൽ ട്രസ്റ്റിലേക്ക് അടയ്‌ക്കേണ്ട വാർഷിക പ്രീമിയം മുഴുവനും സാമൂഹ്യനീതി വകുപ്പു വഴി സംസ്ഥാന സർക്കാരാണ് നൽകുന്നത്. ജില്ലാ സാമൂഹ്യനീതി ഓഫീസർമാർ വഴി ലോക്കൽ ലെവൽ കമ്മിറ്റികളും സ്റ്റേറ്റ് നോഡൽ ഏജൻസി സെന്ററും മുഖേനയാണ് പദ്ധതി നടപ്പാക്കുന്നത്.