തിരുവനന്തപുരം: കേരള പബ്ലിക് സർവീസ് കമ്മിഷനിൽ സിസ്റ്റം അനലിസ്റ്റ്/സീനിയർ പ്രോഗ്രാമർ തസ്തികയുടെ (കാറ്റഗറി നമ്പർ 21/18) ചുരുക്കപ്പട്ടികയിലുൾപ്പെട്ടവർക്കുള്ള പ്രായോഗിക പരീക്ഷ 10 ന് ആസ്ഥാന ഓഫീസിൽ നടത്തും.

അഭിമുഖം

അസിസ്റ്റന്റ് എൻജിനീയർ (സിവിൽ) (കാറ്റഗറി നമ്പർ 83/19), അസിസ്റ്റന്റ് എൻജിനീയർ (സിവിൽ) (പൊതുമരാമത്ത് വകുപ്പിലെ ജീവനക്കാരിൽ നിന്നും നേരിട്ടുള്ള നിയമനം) (കാറ്റഗറി നമ്പർ 84/19) തസ്തികകളുടെ അഭിമുഖം ഇന്ന് മുതൽ 12 വരെ വിവിധ തീയതികളിലായി പി.എസ്.സി. ആസ്ഥാന ഓഫീസിലും, കൊല്ലം, എറണാകുളം, കോഴിക്കോട് ജില്ലകളിലെ മേഖല ഓഫീസിലും ജില്ലാ ഓഫീസിലും നടത്തും.

എഴുത്തു പരീക്ഷ

ഇൻഫർമേഷൻ ആൻഡ് പബ്ലിക് റിലേഷൻസിൽ അസിസ്റ്റന്റ് ഇൻഫർമേഷൻ ഓഫീസർ (കാറ്റഗറി നമ്പർ 534/17) തസ്തികയിലേക്ക് 15 ന് രാവിലെ 7.30 മുതൽ 10 മണിവരെ എഴുത്തു പരീക്ഷ നടത്തും. അഡ്മിഷൻ ടിക്കറ്റുകൾ പ്രൊഫൈലിൽ ലഭിക്കും.

ക്വട്ടേഷൻ നോട്ടീസ്

കേരള പബ്ലിക് സർവീസ് കമ്മിഷൻ ആസ്ഥാന ഒാഫീസ് കാമ്പസിനുളളിൽ സൂക്ഷിച്ചിട്ടുള്ള പഴയതും ഉപയോഗശൂന്യമായതുമായ സാധനസാമഗ്രികൾ 16 ന് ഉച്ചയ്ക്ക് ശേഷം 3.30 ന് മത്സരാധിഷ്ഠിത ക്വട്ടേഷനുകളുടെ അടിസ്ഥാനത്തിൽ വിൽപ്പന നടത്തും. കൂടുതൽ വിവരങ്ങൾക്ക് ഫോൺ : 0471 2546250 .