പാലോട്: പാലോട് ഫോറസ്റ്റ് ഓഫീസിന് സമീപം കഴിഞ്ഞ ദിവസം രാത്രി ടിപ്പർ ലോറി ബൈക്കിൽ ഇടിച്ചുള്ള സുനി (46)ലിന്റെ മരണം സ്വന്തം ശിങ്കാരിമേളം ട്രൂപ്പായ സ്റ്റാർ തിയേറ്റേഴ്സ് ചെന്നൈയിൽ നടത്തിയ പ്രോഗ്രാം കഴിഞ്ഞ് വിതുരയിൽ ഭാര്യയുടെ വീട്ടിലേക്കുള്ള മടക്ക യാത്രക്കിടെ. ആനാട് മണ്ഡപം ആലംകോട് ചരുവിള വീട്ടിൽ സാംസന്റെയും ജ്ഞാനമ്മയുടെയും മകനാണ് സുനിൽ. സൂസിയാണ് ഭാര്യ. മെഡിക്കൽ കോളേജ് മോർച്ചറിയിൽ സൂക്ഷിച്ചിട്ടുള്ള മൃതദേഹം ഇന്ന് രാവിലെ 9 ന് പുലിപ്പാറ സെന്റ് ജോസഫ് ദേവാലയത്തിൽ പൊതുദർശനത്തിന് വയ്ക്കും. തുടർന്ന് വിതുരയിലെ സെവന്ത് ഡേ ചർച്ചിൽ സംസ്കാരശുശ്രൂഷകൾ നടക്കും. സുനിലിനോപ്പം ബൈക്കിൽ സഞ്ചരിച്ചിരുന്ന സുരേഷ് ചികിത്സയിലാണ്.