തിരുവനന്തപുരം: സംസ്കൃത സർവകലാശാലയിലെ മലയാള വിഭാഗത്തിൽ അസിസ്​റ്റന്റ് പ്രൊഫസറായി നിയമിതയായ എം. ബി.രാജേഷിന്റെ ഭാര്യ നിനിത കണിച്ചേരിയുടെ നിയമനത്തിൽ ക്രമക്കേടുണ്ടെന്ന് സൂചിപ്പിച്ച് കാലിക്ക​റ്റ് സർവകലാശാലയിലെ പ്രൊഫസർ ഡോ. ഉമർ തറമേൽ.

നിനിതയെ അഭിമുഖം നടത്തിയ സമിതിയിൽ ഭാഷാവിദഗ്ധനെന്ന നിലയിൽ പങ്കെടുത്തയാളായിരുന്നു ഡോ. ഉമർ തറമേൽ. കാലിക്കറ്റ് സർവകലാശാലയിലെ മലയാള കേരള പഠനവകുപ്പിൽ പ്രൊഫസറാണ് അദ്ദേഹം. റാങ്ക് ലിസ്​റ്റ് ശീർഷാസനം ചെയ്ത് പോയ അനുഭവം ഇതാദ്യമായിട്ടാണെന്നും, ഇനി മേലിൽ സബ്ജക്ട് എക്സ്പർട്ടായി നിയമന പ്രക്രിയകളിൽ പങ്കെടുക്കാനില്ലെന്നും അദ്ദേഹം ഫേസ്ബുക്കിൽ പോസ്റ്റിട്ടു. ഇതിനോടുള്ള കടുത്ത വിമർശനവും വിയോജിപ്പും സർവകലാശാല അധികൃതരെ അറിയിച്ചിട്ടുണ്ടെന്നും ഇനി 'സബ്‌ജക്ട് എക്സ്‌പെർട്ട്' പണിക്കില്ലെന്നും അദ്ദേഹം കുറിച്ചു.