മുൻ പേ - റിവഷനുകളിലും 11 -ാം പേറിവിഷൻ റിപ്പോർട്ടിലും വിവിധ വകുപ്പുകളിലെ അടിസ്ഥാന യോഗ്യത ഉയർത്തിയ തസ്തികകൾക്ക് ശമ്പള സ്‌കെയിൽ വർദ്ധിപ്പിച്ചു നൽകിയിട്ടുണ്ട്. എന്നാൽ പട്ടികജാതി വികസന വകുപ്പിന്റെ കീഴിൽ പ്രവർത്തിച്ചുവരുന്ന ഐ.ടി.ഐകളിലെ ട്രെയിനിംഗ് സൂപ്രണ്ടിന്റെ അടിസ്ഥാന യോഗ്യത 1997-ലെ സ്പെഷ്യൽ റൂളിൽ എൻജിനിയറിംഗ് ഡിപ്ളോമ ആയും 2010ലെ സ്പെഷ്യൽ റൂളിൽ എൻജിനിയറിംഗ് ബിരുദവും ആക്കി ഉയർത്തിയെങ്കിലും 1989ലെ സ്പെഷ്യൽ റൂൾ പ്രകാരമുള്ള താഴ്ന്ന ശമ്പള സ്കെയിലിന് ആനുപാതികമായാണ് 11-ാം പേ റിവിഷൻ റിപ്പോർട്ടിലും ശുപാർശ നൽകിയിട്ടുള്ളത്.

വ്യാവസായിക പരിശീലന വകുപ്പിന് കീഴിലുള്ളതും 100-ൽ താഴെ ട്രെയിനികൾക്ക് പരിശീലനം നൽകിവരുന്നതുമായ ഐ.ടി.ഐകളിലെ വൈസ് പ്രിൻസിപ്പൽമാർക്ക് 42300 - 87000 എന്ന ഉയർന്ന സ്കെയിൽ നൽകുമ്പോൾ തത്തുല്യ യോഗ്യതയും ജോലി സ്വഭാവവുമുള്ള പട്ടികജാതി വികസന വകുപ്പിന്റെ കീഴിലുള്ള സ്ഥാപന മേധാവികളായ ട്രെയിനിംഗ് സൂപ്രണ്ട് ആൻഡ് പ്രിൻസിപ്പലിന്റെ ശമ്പള സ്കെയിൽ 30700 - 65400 മാത്രമാണ്. 2011ൽ വകുപ്പ് ഡയറക്ടർ ട്രെയി​നിംഗ് സൂപ്രണ്ടി​ന്റെ ശമ്പള സ്കെയി​ൽ ഉയർത്തുന്നതി​ന് സർക്കാരി​ലേക്ക് വ്യക്തമായ പ്രൊപ്പോസൽ സമർപ്പി​ച്ചി​ട്ടുള്ളതും സർക്കാർ നി​ർദ്ദേശപ്രകാരം നി​യമി​ച്ചി​ട്ടുള്ള ഗുലാത്തി​ ഇൻസ്റ്റി​റ്റ്യൂട്ടി​ന്റെ റി​പ്പോർട്ടി​ലും കേരള അക്കൗണ്ടന്റ് ജനറലി​ന്റെ ആഡി​റ്റ് പരാമർശത്തി​ലും തസ്തി​ക വ്യാവസായി​ക പരി​ശീലന വകുപ്പി​ലേതി​ന് തുല്യമാക്കി​ ഉയർത്താൻ നി​ർദ്ദേശി​ച്ചി​ട്ടുണ്ട്. കേരള അഡ്മി​നി​സ്ട്രേറ്റീവ് ട്രൈബ്യൂണലി​ന്റെ OA. 698/2014 നമ്പർ കേസിന്റെ അന്തിമ വിധിയിൽ തുല്യ ജോലിക്ക് തുല്യവേതനം എന്ന വ്യവസ്ഥയ്ക്ക് വിധേയമായി വ്യാവസായിക പരിശീലന വകുപ്പിലെ വൈസ് പ്രിൻസിപ്പലിന്റെ ശമ്പള സ്കെയിൽ നൽകാൻ പരിഗണിക്കണമെന്ന് 23-06-2016ൽ ഉത്തരവായിട്ടുണ്ടെങ്കിലും സർക്കാർ നാളിതുവരെ പരിഗണിച്ചിട്ടില്ല. 100 തമാനം അർഹതയുണ്ടെന്ന് പകൽപോലെ ബോദ്ധ്യപ്പെട്ട വിഷയം ശമ്പള കമ്മിഷനും സർക്കാരും കണ്ടില്ലെന്ന് നടിക്കുന്നത് പട്ടികജാതിക്കാരുടെ ഉന്നമനത്തിനായി പ്രവർത്തിക്കുന്ന സ്ഥാപനങ്ങളിലെ ഒരു വിഭാഗം ജീവനക്കാരോട് കാണിക്കുന്ന കടുത്ത വിവേചനമാണ്.

നവീൻ. എസ്.ആർ.

പിരപ്പൻകോട്