തിരുവനന്തപുരം:സൗദി അറേബ്യയിലേക്കുള്ള യാത്രയ്ക്കിടെ ദുബായിൽ കുടുങ്ങിയ മലയാളികളെ സഹായിക്കാൻ കേന്ദ്രസർക്കാർ ഇടപെടണമെന്ന് സംസ്ഥാനം ആവശ്യപ്പെട്ടു.

കോവിഡ് മഹാമാരി കാരണം ഇന്ത്യയിൽ നിന്നു സൗദി അറേബ്യയിലേക്ക് നേരിട്ട് വിമാന സർവീസില്ലാത്തതിനാൽ ദുബായ് വഴി യാത്ര പുറപ്പെട്ടവരാണ് സൗദിയുടെ യാത്രാവിലക്കിനെ തുടർന്ന് ദുബായിൽ കുടുങ്ങിയത്.ഇക്കൂട്ടർക്ക് താമസം, ഭക്ഷണം ഉൾപ്പെടെയുള്ള അടിസ്ഥാന സൗകര്യം ഏർപ്പെടുത്തുക, സന്ദർശന വിസാ കാലാവധി കഴിഞ്ഞവർക്ക് നീട്ടി നൽകുക, യാത്രാനുവാദം സംബന്ധിച്ച അനിശ്ചിതത്വം തുടരുന്ന പക്ഷം കേരളത്തിലേക്ക് മടങ്ങാനുള്ള സൗകര്യം സജ്ജമാക്കുക എന്നീ ആവശ്യങ്ങളാണ് സംസ്ഥാനം ഉന്നയിച്ചിട്ടുള്ളത്. മുഖ്യമന്ത്രിയുടെ നിർദ്ദേശപ്രകാരം നോർക്ക പ്രിൻസിപ്പൽ സെക്രട്ടറി ഡോ:കെ. ഇളങ്കോവൻ യു.എ.ഇ.യിലെ ഇന്ത്യൻ അമ്പാസിഡർക്ക് സഹായമഭ്യർത്ഥിച്ച് കത്തയച്ചു.