തിരുവനന്തപുരം: ജില്ലയിൽ ഇന്നലെ 380 പേർക്ക് കൂടി കൊവിഡ് സ്ഥിരീകരിച്ചു. 248 പേർ രോഗമുക്തരായി.നിലവിൽ 4,416 പേരാണ് രോഗം സ്ഥിരീകരിച്ച് ചികിത്സയിൽ കഴിയുന്നത്.രോഗം സ്ഥിരീകരിച്ചവരിൽ 276 പേർക്ക് സമ്പർക്കത്തിലൂടെയാണ് രോഗബാധയുണ്ടായത്.ഇതിൽ ഒരാൾ ആരോഗ്യപ്രവർത്തകനാണ്.രോഗലക്ഷണങ്ങളെത്തുടർന്ന് ജില്ലയിൽ 2,115 പേരെക്കൂടി നിരീക്ഷണത്തിലാക്കി.ഇവരടക്കം ആകെ 25,414 പേർ വീടുകളിലും 55 പേർ സ്ഥാപനങ്ങളിലും ക്വാറന്റൈനിൽ കഴിയുന്നുണ്ട്. ഇന്നലെവരെ നിരീക്ഷണത്തിലുണ്ടായിരുന്ന 2,090 പേർ രോഗലക്ഷണങ്ങളില്ലാതെ നിരീക്ഷണകാലം പൂർത്തിയാക്കി.