എ.ജി.എസ് മൂവിമേക്കേഴ്സിന്റെ ബാനറിൽ വിനോദ് കൊമ്മേരി, രോഹിത് എന്നിവർ നിർമ്മിച്ച് കുമാർ നന്ദ രചനയും സംവിധാനവും നിർവഹിക്കുന്ന 'വെള്ളാരംകുന്നിലെ വെള്ളിമീനുകൾ' പൂർത്തിയായി. കാലികപ്രസക്തങ്ങളായ വിഷയങ്ങളിലൂടെയാണ് ചിത്രത്തിന്റെ കഥാ മുഹൂർത്തങ്ങൾ മുന്നോട്ട് പോകുന്നത്. പക്വതയില്ലാത്ത പ്രായത്തിൽ കുട്ടികളിലുണ്ടാകുന്ന പ്രണയം ഒരു കുടുംബത്തിൽ ഉണ്ടാക്കുന്ന പ്രശ്നങ്ങളും നിഷ്കളങ്കരായ ജനങ്ങൾ താമസിക്കുന്ന വെള്ളാരംകുന്നിന്റെ തനിമയാർന്ന ദൃശ്യാവിഷ്കാരത്തോടൊപ്പം ഈ രണ്ടു കുടുംബങ്ങളും നൽകുന്ന സന്ദേശം ഇന്നത്തെ സാമൂഹികാന്തരീക്ഷത്തിൽ എത്രത്തോളം പ്രസക്തമാണെന്ന് ചർച്ച ചെയ്യുന്ന ചിത്രമാണ് വെള്ളാരംകുന്നിലെ വെള്ളിമീനുകൾ.
ഛായാഗ്രഹണം: അജീഷ് മത്തായി, രാജീവ് വിജയ്, എഡിറ്റിംഗ്: ശ്രീനിവാസ് കൃഷ്ണ, ഗാനരചന: വയലാർ ശരത്ചന്ദ്രവർമ്മ, രാജീവ് ആലുങ്കൽ, സുഗുണൻ ചൂർണിക്കര, സംഗീതം: എം.കെ.അർജുനൻ, റാംമോഹൻ, രാജീവ് ശിവ, ആലാപനം: വിധുപ്രതാപ്, കൊല്ലം അഭിജിത്ത്, ആവണി സത്യൻ, ബേബി പ്രാർത്ഥന രതീഷ്, പ്രൊഡക്ഷൻ കൺട്രോളർ: പാപ്പച്ചൻ ധനുവച്ചപുരം, എക്സിക്യൂട്ടീവ് പ്രൊഡ്യൂസർ: ശ്രീജിത് കല്ലിയൂർ, കല: ജമാൽ ഫന്നൻ, രാജേഷ്, ചമയം: പുനലൂർ രവി, വസ്ത്രാലങ്കാരം: നാഗരാജ്, പശ്ചാത്തല സംഗീതം: രാജീവ് ശിവ, സ്റ്റുഡിയോ: ചിത്രാഞ്ജലി, പി.ആർ.ഒ: അജയ് തുണ്ടത്തിൽ.
ശാന്തികൃഷ്ണ, ഭഗത്മാനുവൽ, ആനന്ദ് സൂര്യ, സുനിൽസുഖദ, കൊച്ചുപ്രേമൻ, ശശികലിംഗ, മുരളി, പ്രജുഷ, ബേബി ഗൗരിനന്ദ, മാസ്റ്റർ ഗൗതംനന്ദ, അഞ്ജുനായർ, റോഷ്നിമധു, എകെഎസ്, മിഥുൻ, രജീഷ് സേട്ടു, ഷിബു നിർമാല്യം, ആലികോയ, ക്രിസ്‌കുമാർ, ജീവൻ കഴക്കൂട്ടം, കുട്ട്യേടത്തി വിലാസിനി, ബാലു ബാലൻ, ബിജുലാൽ, അപർണ, രേണുക, രേഖ ബാംഗ്ലൂർ, ഗീത മണികണ്ഠൻ, മിനിഡേവിസ് എന്നിവർ അഭിനയിക്കുന്നു. കോഴിക്കോട് പന്തീരൻകാവ്, തിരുവനന്തപുരം എന്നിവിടങ്ങളിലായാണ് ചിത്രീകരണം പൂർത്തിയാക്കിയത്.