തിരുവനന്തപുരം: നിയമസഭാ തിരഞ്ഞെടുപ്പിന്റെ പ്രകടന പത്രികയിലേക്ക് അഭിപ്രായങ്ങളും നിർദ്ദേശങ്ങളും സ്വീകരിക്കാൻ എൻ.ഡി.എ ബഹുജന സമ്പർക്ക പരിപാടി സംഘടിപ്പിക്കും. പുതിയ കേരളത്തിനായി കൈക്കൊള്ളേണ്ട നടപടികളെക്കുറിച്ച് പൊതുജനങ്ങളിൽ നിന്നും അഭിപ്രായം സ്വീകരിക്കാനുള്ള വേദികൾ ഒരുക്കുമെന്ന് എൻ.ഡി.എ മാനിഫെസ്റ്റോ ചെയർമാൻ കുമ്മനം രാജശേഖരൻ പറഞ്ഞു. വിവിധ മേഖലകളിലെ വിദഗ്ദ്ധരുടെ വികസനസഭ, സംരംഭകരുടെയും ഉപഭോക്താക്കളുടെയും വിചാരസദസ്, പൊതുജനങ്ങളുടെ പങ്കാളിത്തത്തോടെയുള്ള ചർച്ചായോഗങ്ങൾ എന്നിവയാണ് പ്രധാന പരിപാടികൾ. ഇതിനായി കുമ്മനം രാജശേഖരൻ ചെയർമാനും ഡോ. കെ.എസ്. രാധാകൃഷ്ണൻ, ഡോ.പ്രമീളാദേവി, കെ.വി.എസ്. ഹരിദാസ്, ഹരി.എസ് കർത്ത എന്നിവർ അംഗങ്ങളുമായ അ‍ഞ്ചംഗ കമ്മിറ്റി രൂപീകരിച്ചു. ഫോൺ: 0471 2333390