തിരുവനന്തപുരം: ഉത്തരവുകളും സർട്ടിഫിക്കറ്റുകളും മലയാളത്തിൽ നൽകാത്തതിനെപ്പറ്റിയുള്ള പരാതികൾ നിയമസഭാ ഔദ്യോഗിക ഭാഷാ സമിതിക്ക് നൽകാം.

വിവിധ സർക്കാർ,അർദ്ധ സർക്കാർ സ്ഥാപനങ്ങൾ, പൊതുമേഖല സ്ഥാപനങ്ങൾ, മറ്റിതര സ്ഥാപനങ്ങൾ തുടങ്ങിയവർ നൽകുന്ന സർട്ടിഫിക്കറ്റുകൾ, ഉത്തരവുകൾ, കത്തുകൾ, സർക്കുലറുകൾ, അപേക്ഷ ഫോം, മാർഗ നിർദ്ദേശങ്ങൾ എന്നിവ മലയാളം ഉപയോഗിക്കാത്തതിനെപ്പറ്റിയുള്ള പരാതികളും നിർദ്ദേശങ്ങളും വ്യക്തികൾക്കും സംഘടനകൾക്കും സെക്രട്ടറി, ഔദ്യോഗിക ഭാഷാ സമിതി, നിയസഭാ മന്ദിരം, തിരുവനന്തപുരം വിലാസത്തിൽ നൽകാം. ഇ -മെയിൽ: ofl@niyamasabha.nic.in