കാസർകോട്: റെയിൽവേ സ്റ്റേഷന് സമീപത്ത് നിർത്തിയിട്ട ബൈക്ക് മോഷ്ടിച്ച കേസിൽ കർണാടക സ്വദേശി അറസ്റ്റിൽ. ഹുബ്ലി ഹുൻസൂർ താലൂക്കിലെ നെല്ലാറു പാള ഹൊസപെന ഹള്ളിയിലെ കെ. കാർത്തിക് (20) ആണ് അറസ്റ്റിലായത്. കാസർകോട് എസ്.ഐ ടി.എം സന്ദീപ്, ഷേക്ക് അബ്ദുൽ റസാഖ് എന്നിവരുടെ നേതൃത്വത്തിലാണ് പ്രതിയെ അറസ്റ്റുചെയ്തത്. സഹായിയെ കുറിച്ച് അന്വേഷിച്ചുവരുന്നു. പാടിയിലെ ഗണേശിന്റെ ഉടമസ്ഥതയിലുള്ള ബൈക്ക് ആറിന് രാത്രി കാസർകോട് റെയിൽവേ സ്റ്റേഷൻ പരിസരത്ത് നിന്നാണ് മോഷണം പോയത്. തുടർന്ന് പൊലീസിൽ പരാതി നൽകിയിരുന്നു. കഴിഞ്ഞ ദിവസം പൊലീസ് പരിശോധന നടത്തുന്നതിനിടെ രണ്ടുപേർ ബൈക്ക് തള്ളിക്കൊണ്ട് പോകുന്നത് ശ്രദ്ധയിൽപെടുകയും പൊലീസ് അരികിലെത്തിയപ്പോൾ ഒരാൾ ഓടി രക്ഷപ്പെടുകയും കാർത്തികിനെ പിടികൂടുകയുമായിരുന്നു.