തിരുവനന്തപുരം:സംസ്ഥാനത്തെ കോളേജുകളിലെ ഒന്നാം വർഷ ബിരുദ റഗുലർ ക്ലാസുകൾ 15 ന്‌ ആരംഭിക്കും. നിലവിൽ ഓൺലൈൻ ക്ലാസുകളായിരുന്നു . 27 വരെയാണ് ഒന്നാം വർഷ ബിരുദ ക്ലാസുകൾ . രണ്ടാംവർഷ ബിരുദ വിദ്യാർഥികളുടെ റെഗുലർ ക്ലാസുകൾ മാർച്ച് ഒന്നു മുതൽ 16 വരെയും, മൂന്നാം വർഷ ബിരുദ വിദ്യാർത്ഥികളുടേത് മാർച്ച് 17 മുതൽ 30 വരെയും നടത്തും. ഇതോടൊപ്പം പി.ജി വിഭാഗത്തിലെ എല്ലാ വിഷയത്തിലും റഗുലർ ക്ലാസുകൾ നടത്തും.

ബിരുദ വിഭാഗത്തിൽ റെഗുലർ ക്ലാസുകളില്ലാത്ത ബാച്ചിലേക്ക് ഓൺലൈൻ ക്ലാസുകൾ നടത്തണമെന്നും ഉന്നത വിദ്യാഭ്യാസ വകുപ്പ് ഉത്തരവിൽ വ്യക്തമാക്കുന്നു. നിലവിൽ റഗുലർ ക്ലാസുകൾ നടന്നുകൊണ്ടിരിക്കുന്ന ബിരുദ ഫൈനൽ സെമസ്‌റ്ററുകാരുടെ ക്ലാസുകൾ ഉടൻ പൂർത്തിയാക്കണം. മൂന്ന്‌ വർഷത്തിലെയും ആദ്യ സെമസ്‌റ്റർ ക്ലാസുകൾ വ്യത്യസ്‌ത തീയതികളിൽ ക്രമീകരിച്ചിട്ടുണ്ട്‌.