തിരുവനന്തപുരം: റവന്യൂ വകുപ്പിന്റെ വിവിധ പദ്ധതികളുടെ ഉദ്ഘാടനം നാളെ ഉച്ചയ്ക്ക് 12.30 ന് മുഖ്യമന്ത്രി ഓൺലൈനായി നിർവഹിക്കും. പ്രകൃതി ദുരന്ത മുന്നറിയിപ്പ് ജനങ്ങളിൽ എത്തിക്കുന്നതിനുള്ള ഇ.ഡബ്ലു.ഡി.എസ് സിസ്റ്റം , 129 സ്മാർട്ട് വില്ലേജ് ഓഫീസുകൾ, ഇടുക്കിയിലെ സ്റ്റാഫ് ക്വാർട്ടേഴ്സ് , ഇരിട്ടിയിലെ മിനി സിവിൽ സ്റ്റേഷൻ, കോട്ടയം, പാല, വടകര, മാനന്തവാടി റവന്യൂ ഡിവിഷണൽ ഓഫീസുകൾ, മാവേലിക്കര, ചെങ്ങന്നൂർ താലൂക്ക് ഓഫീസുകൾ, ഇടുക്കിയിൽ ആറ് റെസ്‌ക്യൂ ഷെൽട്ടറുകൾ, കണ്ണൂർ കളക്‌ടറേറ്രിനും മാനന്തവാടി, താമരശേരി താലൂക്ക് ഓഫീസുകൾക്കും പുതിയ ഓഫീസ് ബ്ലോക്ക് നിർമ്മാണം ,കണ്ണൂർ താലൂക്ക് ഓഫീസ് കോൺഫറൻസ് ഹാൾ നിർമ്മാണം ,ചൊക്ലി വില്ലേജ് ഓഫീസിൽ കോൺഫറൻസ് ഹാൾ, സ്റ്റാഫ് ക്വാർട്ടേഴ്സ് എന്നിവയുടെ നിർമ്മാണ പ്രവൃത്തി, 13,320 പട്ടയ വിതരണം,, 16 സ്മാർട്ട് വില്ലേജ് ഓഫീസ് കെട്ടിടങ്ങൾ, ചാലാട്, കതിരൂർ ദുരിതാശ്വാസ അഭയ കേന്ദ്രങ്ങൾ, മുതലമട, നരിപ്പറ്റ റവന്യു സ്റ്റാഫ് ക്വാർട്ടേഴ്സുകൾ എന്നിവയുടെ ഉദ്ഘാടനമാണ് മുഖ്യമന്ത്രി നിർവഹിക്കുക. റവന്യൂ മന്ത്രി ഇ. ചന്ദ്രശേഖരൻ അദ്ധ്യക്ഷത വഹിക്കും.