തിരുവനന്തപുരം ജില്ലയിൽ ഇന്നലെ 363 പേർക്ക് കൂടി കൊവിഡ് സ്ഥിരീകരിച്ചു. 406 പേർ രോഗമുക്തരായി. നിലവിൽ 4,359 പേരാണ് രോഗം സ്ഥിരീകരിച്ചു ചികിത്സയിൽ കഴിയുന്നത്. 282 പേർക്ക് സമ്പർക്കത്തിലൂടെയാണ് രോഗബാധയുണ്ടായത്. ഇതിൽ മൂന്ന് പേർ ആരോഗ്യപ്രവർത്തകരാണ്. രോഗലക്ഷണങ്ങളെത്തുടർന്ന് ജില്ലയിൽ 1,905 പേരെക്കൂടി നിരീക്ഷണത്തിലാക്കി. ആകെ 26,123 പേർ വീടുകളിലും 58 പേർ സ്ഥാപനങ്ങളിലും ക്വാറന്റൈനിൽ കഴിയുന്നുണ്ട്. 1,670 പേർ രോഗലക്ഷണങ്ങളില്ലാതെ നിരീക്ഷണകാലം പൂർത്തിയാക്കി.