മലയിൻകീഴ് : മാറനല്ലൂർ മൂലക്കോണം മണത്തോട്ടം വിഘ്‌നേഷ് ഭവനിൽ ബൈജുവിന്റെ മകൻ വിഘ്‌നേഷ്(21) ബൈക്ക് അപകടത്തിൽ മരിച്ചു. വെള്ളിയാഴ്ച രാത്രി 11 മണിയോടെ കീളിയോടിന് സമീപം ബൈക്കിൽ പോകവേ നിയന്ത്രണം വിട്ട് എതിരെ വരുകയായിരുന്ന ലോറിയിൽ ഇടിക്കുകയായിരുന്നു. നെയ്യാറ്റിൻകര താലൂക്ക് ആശുപത്രിയിൽ ചികിത്സയിലുള്ള സുഹൃത്തിനെ സന്ദർശിച്ച ശേഷം വീട്ടിലേക്ക് പോകവേയാണ് അപകടം. ഗുരുതര പരിക്കേറ്റ വിഘ്നേഷിനെ നാട്ടുകാരും പൊലീസും ചേർന്ന് ആശുപത്രിയിൽ എത്തിച്ചെങ്കിലും രക്ഷിക്കാനായില്ല.വിഘ്നേഷിനോടൊപ്പമുണ്ടായിരുന്ന സുഹൃത്ത് അജിത്‌ലാൽ തലയ്ക്കും കൈയ്ക്കും പരിക്കേറ്റ് മെഡിക്കൽ കോളേജ് ആശുപത്രിയിൽ ചികിത്സയിലാണ്. മാതാവ് : കവിത.