തിരുവനന്തപുരം : സംസ്ഥാനത്ത് ഇന്നലെ 5471 കൊവിഡ് കേസുകൾ കൂടി റിപ്പോർട്ട് ചെയ്തു. 5027 പേർ സമ്പർക്കരോഗികളാണ്‌. 322 പേരുടെ ഉറവിടം വ്യക്തമല്ല. 45 ആരോഗ്യ പ്രവർത്തകരും രോഗബാധിതരായി. കഴിഞ്ഞ 24 മണിക്കൂറിനിടെ 85,969 സാമ്പിളുകളാണ് പരിശോധിച്ചത്. 6.36 ശതമാനമാണ് ടെസ്റ്റ് പോസിറ്റിവിറ്റി നിരക്ക്. 16 മരണങ്ങളും റിപ്പോർട്ട് ചെയ്തു. കോഴിക്കോട് 750, എറണാകുളം 746, തൃശൂർ 553, ആലപ്പുഴ 506, പത്തനംതിട്ട 480, കൊല്ലം 460, കോട്ടയം 376, തിരുവനന്തപുരം 363, മലപ്പുറം 308, കണ്ണൂർ 279, ഇടുക്കി 203, വയനാട് 161, പാലക്കാട് 153, കാസർകോട് 133 എന്നിങ്ങനേയാണ് ജില്ലകളിലെ പുതിയ കേസുകൾ. അതേസമയം ചികിത്സയിലായിരുന്ന 5835 പേർ രോഗമുക്തരായി.