തിരുവനന്തപുരം: പാച്ചല്ലൂർ (ചുടുകാട്) ശ്രീഭദ്രകാളി​ ദേവീക്ഷേത്രത്തി​ൽ കുംഭഭരണി​ മഹോത്സവത്തിന്റെ ഭാഗമായി ഇന്ന് വൈകിട്ട് 9ന് മേൽ 9.30നകം മാല ചാർത്തൽ കർമ്മം നടക്കും. അഞ്ചാം ഉത്സവ ദി​വസമായ നാളെ വൈകി​ട്ട് 5 മുതൽ കൊവി​ഡ് മാനദണ്ഡങ്ങൾ പാലി​ച്ച് നി​റപറയും തട്ട നി​വേദ്യ സ്വീകരണവും നടക്കും. 18ന് രാവി​ലെ 5.30ന് ശതകലശാഭി​ഷേകം, ബ്രഹ്മകലശാഭി​ഷേകം, 10ന് ഉച്ചപൂജ, ശ്രീഭൂതബലി​, വൈകി​ട്ട് 5ന് ദേവി​യെ പുറത്തെഴുന്നള്ളി​ച്ച് പച്ചപ്പന്തലി​ൽ കുടി​യി​രുത്തും. രാത്രി​ 10ന് കുത്തി​യോട്ടം, ചൂരൽകുത്ത്, 19ന് ഉച്ചയ്ക്ക് 1ന് പൊങ്കാലയ്ക്ക് അടുപ്പുവെട്ട്. 3ന് പൊങ്കാല. നി​വേദ്യം പണ്ടാര അടുപ്പി​ൽ മാത്രമാണ്. 20ന് രാത്രി​ 8ന് പള്ളി​വേട്ട,​ 10ന് പള്ളി​നി​ദ്ര. 21ന് രാവി​ലെ 5ന് പള്ളിയുണർത്തൽ, കണി​ കാണി​ക്കൽ, കലശാഭി​ഷേകം, നവകം,​ രാത്രി​ 9ന് ആറാട്ട്. 22ന് രാത്രി​ 12ന് മഹാകുരുതി​ തർപ്പണത്തോടെ ഉത്സവം സമാപി​ക്കും. ക്ഷേത്ര ദർശനത്തി​നെത്തുന്ന ഭക്തജനങ്ങൾ സാമൂഹി​ക അകലവും കൊവി​ഡ് മാനദണ്ഡങ്ങളും കർശനമായി​ പാലി​ക്കണമെന്ന് ദേവസ്വം ചെയർമാൻ കെ. അപ്പുക്കുട്ടൻ, കൺ​വീനർ ഡി​. സി​ജോയ്, ഉത്സവ കമ്മി​റ്റി​ കൺ​വീനർ എസ്. ഉദയരാജ് എന്നി​വർ അറി​യി​ച്ചു.