തിരുവനന്തപുരം: സമരം നടത്തുന്ന റാങ്ക്ഹോൾഡർമാരുമായി ചർച്ച നടത്തുകയും സർക്കാരിന്റെ ഭാഗം അവരെ ബോദ്ധ്യപ്പെടുത്തുകയും ചെയ്യണമെന്ന് എ.ഐ.വൈ.എഫ് സംസ്ഥാന കമ്മി​റ്റി പ്രസ്താവനയിൽ ആവശ്യപ്പെട്ടു. റാങ്ക്ഹോൾഡർമാരുടെ സമരത്തെ മുതലെടുത്ത് രാഷ്ട്രീയ താത്പര്യങ്ങൾക്കായി ദുരുപയോഗം ചെയ്യുകയാണ് യു.ഡി.എഫും ബി.ജെ.പി യും. ഇത് തിരഞ്ഞെടുപ്പ് മുൻനിറുത്തിയാണ്. യുവജനങ്ങൾക്കായി സർക്കാർ സ്വീകരിച്ച നടപടികൾ ബോദ്ധ്യപ്പെടുത്തി സമരം അവസാനിപ്പിക്കാൻ ഗവൺമെന്റ് മുൻകൈ എടുക്കണമെന്ന് എ.ഐ.വൈ .എഫ് സംസ്ഥാന പ്രസിഡന്റ് അഡ്വ .ആർ. സജിലാലും സെക്രട്ടറി മഹേഷ് കക്കത്തും ആവശ്യപ്പെട്ടു.