തിരുവനന്തപുരം: സംസ്ഥാനത്ത് ഇന്നലെ 4937 പേർ കൂടി രോഗബാധിതരായി. 4478 പേർ സമ്പർക്കരോഗികളാണ്‌. 340 പേരുടെ ഉറവിടം വ്യക്തമല്ല. 29 ആരോഗ്യ പ്രവർത്തകരും രോഗബാധിതരായി. കഴിഞ്ഞ 24 മണിക്കൂറിനിടെ 74,352 സാമ്പിളുകളാണ് പരിശോധിച്ചത്. ടെസ്റ്റ് പോസിറ്റിവിറ്റി നിരക്ക് 6.64 ആണ്. 18 മരണങ്ങളും റിപ്പോർട്ട് ചെയ്തു. എറണാകുളം 643, കൊല്ലം 547, പത്തനംതിട്ട 524, തൃശൂർ 503, കോട്ടയം 471, കോഴിക്കോട് 424, ആലപ്പുഴ 381, തിരുവനന്തപുരം 373, മലപ്പുറം 345, പാലക്കാട് 217, കണ്ണൂർ 182, വയനാട് 135, കാസർകോട് 126, ഇടുക്കി 66 എന്നിങ്ങനെയാണ് വിവിധ ജില്ലകളിലെ പുതിയ കേസുകൾ.