തിരുവനന്തപുരം: സംസ്ഥാനത്തെ റവന്യൂ വകുപ്പിന്റെ വിവിധ സേവനങ്ങൾ ഓൺലൈനാക്കുന്നതിന്റെ ഭാഗമായി ആരംഭിച്ച വെബ് പോർട്ടൽ റവന്യൂ വകുപ്പ് മന്ത്രി ഇ.ചന്ദ്രശേഖരൻ ഉദ്ഘാടനം ചെയ്തു.

www.lrd.gov.inഎന്നതാണ് വിലാസം. ഒരൊറ്റ ലോഗിനിലൂടെ വിവിധങ്ങളായ സേവനങ്ങൾ പോർട്ടലിലൂടെ പൊതുജനങ്ങൾക്ക് ലഭ്യമാകും. ഉദ്യോഗസ്ഥരുടെ ഓൺലൈൻ സ്ഥലംമാറ്റം, ഒറ്റത്തവണ കെട്ടിട നികുതി, റവന്യൂവിഷയങ്ങളിന്മേൽ പൊതുജന പരാതി പരിഹാരം, ദുരിതബാധിതർക്ക് അടിയന്തര സഹായം, കഷ്ടനഷ്ടങ്ങൾക്കുള്ള ധനസഹായ വിതരണം, പ്രകൃതി ദുരന്ത സാദ്ധ്യതാ മേഖലകളുടെ മാപ്പിംഗ് എന്നിവ ഉൾപ്പെടുത്തിയാണ് റവന്യൂ പോർട്ടൽ തയാറാക്കിയിരിക്കുന്നത്.

ലാൻഡ് റവന്യൂ കമ്മിഷണർ കെ. ബിജു, സർവേ ഡയറക്ടർ ആർ.ഗിരിജ തുടങ്ങിയവരും ചടങ്ങിൽ പങ്കെടുത്തു.