ലോ​ക​ത്തി​ലെ​ ​ഏ​റ്റ​വും​ ​നി​ഗൂ​ഢ​മാ​യ​ ​സ്ഥലമെന്നറിയപ്പെടുന്ന അമേരിക്കയിലെ ​'​ഏ​രി​യ​ 51​'​ന് സമീപത്തുള്ള ഭൂമി വില്പനയ്ക്ക്.​ അങ്ങനെ ആർക്കും ഈ സ്ഥലം വാങ്ങാമെന്ന് കരുതേണ്ട. 80 ഏക്കറിൽ വ്യാപിച്ചു കിടക്കുന്ന ' മെഡ്‌ലിൻ റാഞ്ച് ' എന്ന ഈ സ്ഥലം സ്വന്തമാക്കാൻ ചില നിബന്ധനകളുണ്ട്. 4.5 മില്യൺ ഡോളറാണ് അടിസ്ഥാനവില.

1973ൽ സ്റ്റീവ് മെഡ്‌ലിൻ, ഗ്ലെൻഡ എന്നിവർ ഇവിടെ 750 പശുക്കളുമായി ഒരു പശുവളർത്തൽ കേന്ദ്രം ആരംഭിക്കുകയായിരുന്നു. അന്ന് ഇവിടെ മറ്റ് കെട്ടിടങ്ങളോ വെള്ളമോ മറ്റ് സൗകര്യങ്ങളോ ഇല്ലായിരുന്നു. എന്നാൽ ഇന്ന് രണ്ട് കെട്ടിടങ്ങളും ജലസേചന സൗകര്യവുമുണ്ട്. ലോകത്തെ ഏറ്റവും അറിയപ്പെടുന്ന സൈനികത്താവളമായ ഏരിയ 51ന് ഏറ്റവും അടുത്തായാണ് ഇതിന്റെ സ്ഥാനമെന്ന് ഒരു അമേരിക്കൻ പ്രാദേശിക മാദ്ധ്യമം റിപ്പോർട്ട് ചെയ്യുന്നു.

80കളിൽ മെഡ്‌ലിൻ റാഞ്ചിന്റെ ഒരു ഭാഗവും യു.എസ് സർക്കാർ പിടിച്ചെടുത്തിരുന്നു. അന്ന് സ്റ്റീവ് മെഡ്‌ലിനുമായി യു.എസ് എയർഫോഴ്സ് ഒരു കരാറുണ്ടാക്കിയിരുന്നു. തങ്ങൾ നൽകിയിരിക്കുന്ന റേഡിയോയിലൂടെ ബന്ധപ്പെട്ട ശേഷം കന്നുകാലികളെ തേടി സ്റ്റീവിന് ഏരിയാ 51ലേക്ക് പ്രവേശിക്കാമെന്നതായിരുന്നു അതെന്ന് പറയപ്പെടുന്നത്. പ്രദേശത്തെ വിജനമായ ഹൈവേയില ബ്ലാക്ക് മെയിൽബോക്സ് നിൽക്കുന്ന ഭാഗവും റാഞ്ചിന്റെ ഭാഗമാണ്. ഏരിയ 51ൽ അന്യഗ്രഹ ജീവികളുണ്ടെന്ന് വിശ്വസിച്ചവർ പണ്ട് ഈ മെയിൽബോക്സിൽ കത്തുകൾ നിക്ഷേപിച്ചിരുന്നു.

ലോ​ക​ത്തി​ലെ​ ​ഏ​റ്റ​വും​ ​നി​ഗൂ​ഢ​മാ​യ​ ​സ്ഥലമെന്നാണ് ​'​ഏ​രി​യ​ 51​'​ ​അറിയപ്പെടുന്നത്.​ ​അ​മേ​രി​ക്ക​യി​ലെ​ ​നെ​വാഡ​യി​ൽ ​ഹെ​ക്ട​റു​ക​ളോ​ളം​ ​മ​രു​ഭൂ​മി​പോ​ലെ​ ​കി​ട​ക്കു​ന്ന​ ​ഇവിടെ ​എ​ന്താ​ണ് ​ന​ട​ക്കു​ന്ന​ത് ​എ​ന്ന് ​ആ​ർ​ക്കും​ ​അ​റി​യി​ല്ല. അ​ന്യ​ഗ്ര​ഹ​ ​ജീ​വി​ക​ളു​ടെ​ ​വി​ഹാ​ര​കേ​ന്ദ്രം,​ ​അ​മേ​രി​ക്ക​യു​ടെ​ ​ര​ഹ​സ്യ​ ​ആ​യു​ധ​ ​നി​ർ​മ്മാണ ശാല തുടങ്ങിയ നിരവധി കഥകളാണ് ഏരിയ 51ന്റെ പേരിൽ പ്രചരിക്കുന്നത്.

​ഏ​രി​യ​ 51 ലേക്ക് ആർക്കും പ്രവേശനമില്ല.​ ​അതുകൊണ്ട് തന്നെയാണ്​ ​പ്ര​ദേ​ശ​ത്ത് ​എ​ന്താ​ണ് ​ന​ട​ക്കു​ന്ന​തെ​ന്ന് ​പു​റം​ലോ​കത്തിനറിയാത്തത്.​ ​​ഒ​രു​ ​സാ​റ്റ​ലൈ​റ്റ് ​ഇ​മേ​ജ് ​പോ​ലും​ ​എ​ടു​ക്കാ​ൻ​ ​അ​നു​വ​ദ​നീ​യ​മ​ല്ലാ​ത്ത​ ഇവിടം ​ഒ​രു​ ​ഹൈ​ലി​ ​ക്ലാ​സി​ഫൈ​ഡ് ​റി​സ​ർ​ച്ച് ​ഫെ​സി​ലി​റ്റി​യാ​ണെന്നാണ് ​സ​ർ​ക്കാ​ർ​ പറയുന്നത്.

​അ​മേ​രി​ക്ക​ൻ​ ​എയർഫോഴ്സിന്റെ​ ​പൂ​ർ​ണ​ ​നി​യ​ന്ത്ര​ണ​ത്തി​ലു​ള്ള​ ​പ്ര​ദേ​ശ​ത്തി​ന്റെ​ ​ഔ​ദ്യോ​ഗി​ക​ ​നാ​മം​ ​നെ​വാ​‌ഡ ​ ​ടെ​സ്റ്റ് ​ആ​ൻ​ഡ് ​ട്രെ​യി​നിം​ഗ് ​റേ​ഞ്ച് ​എ​ന്നാ​ണ്.​ ​എ​ഡ്വാ​ർ​ഡ് ​എ​യ​ർ​ഫോ​ഴ്സ് ​ബേ​സി​ന്റെ​ ​ഭാ​ഗ​മാ​ണ് ​ഈ​ ​കേ​ന്ദ്രം.​ ​വി​മാ​ന​ങ്ങ​ളും​ ​ഡ്രോ​ണു​ക​ളും​ ​പ​രീ​ക്ഷ​ണ​ ​പ​റ​ക്ക​ലി​നാ​ണ് ​ഈ​ ​പ്ര​ദേ​ശം​ ​ഉ​പ​യോ​ഗി​ക്കു​ന്ന​തെ​ന്നും​ ​മ​നു​ഷ്യ​വാ​സം​ ​കു​റ​ഞ്ഞ​ ​ഒ​റ്റ​പ്പെ​ട്ട​ ​പ്ര​ദേ​ശ​മാ​യ​തി​നാ​ലാ​ണ് ​ഇ​ത്ത​ര​മൊ​രു​ ​പ്ര​ദേ​ശം ​ ​തി​ര​ഞ്ഞെ​ടു​ത്ത​തെ​ന്നും അധികൃതർ പറയുന്നു. അതേ സമയം, അ​മേ​രി​ക്ക​ ​പി​ടി​ച്ചെടുത്ത​ ​പ​റ​ക്കും​ത​ളി​ക​ക​ളും​ ​അ​ന്യ​ഗ്ര​ഹ​ജീ​വി​ക​ളും​ ​ഇ​വി​ടെ​യാണെന്നാണ് ചിലരുടെ വിശ്വാസം.