തിരുവനന്തപുരം: നെടുമങ്ങാട് ജില്ലാആശുപത്രിയിൽ ഇന്നലെ ഇ-ഹെൽത്ത് സംവിധാനം ഉദ്ഘാടനം മന്ത്രി കെ.കെ.ശൈലജ ഓൺലൈനായി നിർവഹിച്ചു. ഇതോടെ സംസ്ഥാനത്ത് ഇ- ഹെൽത്ത് സംവി​ധാനം നടപ്പാക്കിയ ആശുപത്രികൾ 200ആയി.

ഇ ഹെൽത്ത് വഴി മുൻകൂട്ടി ഒ.പി ടിക്കറ്റ് ബുക്ക് ചെയ്യാം. ലാബ് പരിശോധനക്കുറിപ്പുകളും പരിശോധനാഫലവും ഓൺലൈനായി ലാബുകളിലും ഡോക്ടർക്കും ലഭ്യമാകും. വ്യക്തികളുടെ ആരോഗ്യ രേഖകൾ ഇ ഹെൽത്ത് പദ്ധതി നടപ്പിലാക്കിയ ആശുപത്രിയിൽ ലഭ്യമാകുന്നതിനാൽ കേന്ദ്രീകൃത കമ്പ്യൂട്ടറിൽ നിന്നും മുൻചികിത്സാ രേഖകൾ ലഭ്യമാക്കി തുടർചികിത്സ നിർണയിക്കാനാകുമെന്നും മന്ത്രി പറഞ്ഞു. ആരോഗ്യ വകുപ്പ് പ്രിൻസിപ്പൽ സെക്രട്ടറി ഡോ. രാജൻ എൻ. ഖോബ്രഗഡെ അദ്ധ്യക്ഷത വഹിച്ചു. അഡി​ഷണൽ പ്രോജക്ട് ഡയറക്ടർ ഡോ. വി.ആർ. രാജു പങ്കെടുത്തു.