തിരുവനന്തപുരം: തലസ്ഥാന വികസനം ശരിയായ ട്രാക്കിലാകാൻ പുതുതായി വരുന്ന സർക്കാർ ഇടപെടുമെന്ന പ്രതീക്ഷയിലാണ് ജനങ്ങൾ. വാഗ്ദാനം ചെയ്‌ത പല പദ്ധതികളും പാതിവഴിയിലായപ്പോൾ തിരഞ്ഞെടുപ്പ് പ്രകടന പത്രികയിൽ മുന്നണികൾ തലസ്ഥാന വികസന പദ്ധതികൾ ഉൾപ്പെടുത്തുമെന്നാണ് പ്രതീക്ഷ. തുടങ്ങിയ പല പദ്ധതികളും മുടങ്ങിക്കിടക്കുകയോ പൂർത്തിയാകാതിരിക്കുകയോ ചെയ്യുന്നു,​ പ്രഖ്യാപിച്ചവ പണി തുടങ്ങാതിരിക്കുന്നു എന്നതാണ് അവസ്ഥ. ഇതിന് പുറമേ നഗരം ആവശ്യപ്പെടുന്ന പല പദ്ധതികളുമുണ്ട്. രാഷ്ട്രീയപാർട്ടികളും സർക്കാരും ഇവ പരിഗണിക്കുമോ എന്നാണ് തലസ്ഥാനവാസികളുടെ ചോദ്യം.

തിരുവനന്തപുരം കാത്തിരിക്കുന്നത്

 ജില്ല മുഴുവൻ പോർട്ട് സിറ്രിയാക്കാൻ മാസ്റ്രർ പ്ലാൻ

 പൂവാർ ഷിപ്പ് യാർഡ്

 മെട്രോ സിറ്രിക്കായി മെട്രോപൊളിറ്റൻ ഡെവലപ്മെന്റ് അതോറിട്ടി

 തലസ്ഥാന വികസനത്തിന് പ്രത്യേകം ഫണ്ട്

 വിഴിഞ്ഞം - നാവായിക്കുളം ഒൗട്ടർ റിംഗ് റോഡ് പദ്ധതി നടപ്പിലാക്കൽ

 അന്താരാഷ്ട്ര ഫിലിം സിറ്രി

 മീഡിയം മെട്രോ റെയിൽ പദ്ധതി

 വിഴിഞ്ഞം കണ്ടെയ്‌നർ പോർട്ടിൽ ഇന്റർനാഷണൽ ബാങ്കിംഗ് ടെർമിനൽ

 വിഴിഞ്ഞം - നേമം - നെടുമങ്ങാട് വഴി പുനലൂരിലേക്ക് ട്രെയിൻ

 പൂന്തുറ, വലിയതുറ, ചിലക്കൂർ ഫിഷിംഗ് ഹാർബർ

 ഹൈക്കോടതി ബെഞ്ച്

 തലസ്ഥാന നഗര വികസനം രണ്ടാംഘട്ടം

 വേളി - കാപ്പിൽ ബീച്ച് ബാക്ക് വാട്ടർ ടൂറിസം കോറിഡോർ

 ജലപാതയുടെ കോവളം - വേളി വികസനം

 പൊന്മുടി റോപ്പ് വേ ഉൾപ്പെടുന്ന ഇക്കോ ടൂറിസം ഡെസ്റ്രിനേഷൻ

 ആറ്റുകാൽ ടൗൺഷിപ്പ്

 കരമന - കളിയിക്കാവിള റോഡ് വികസനം പൂർത്തീകരണം

 എയിംസ്

 നേമം, കൊച്ചുവേളി റെയിൽ വികസനം, പാത ഇരട്ടിപ്പിക്കൽ

 വിവിധ കോൺസുലേറ്രുകളും മറ്രും കേന്ദ്രീകരിക്കുന്ന ഡിപ്ളോമാറ്രിക് എൻക്ലേവ്

 ലൈറ്ര് മെട്രോ

 സതേൺ എയർ കമാൻഡ് വികസനം

 സ്‌മാർട്ട് സിറ്രി, അമൃത് പദ്ധതികളുടെ പൂർത്തീകരണം

 ശിവഗിരി ടൂറിസം പദ്ധതി നടപ്പാക്കൽ

 ആക്കുളം കൺവെഷൻ സെന്റർ

' തലസ്ഥാന നഗരവികസനത്തിന് മുഖ്യമായ സ്ഥാനം നൽകുന്ന

പ്രകടനപത്രികയാകും ഇടതുമുന്നണി അവതരിപ്പിക്കുക.

- മന്ത്രി കടകംപള്ളി സുരേന്ദ്രൻ

'' ഇരുമുന്നണികളും തലസ്ഥാന വികസനത്തെ മുരടിപ്പിക്കുകയാണ്. തിരുവനന്തപുരം വികസനത്തിന്

ഊന്നൽ നൽകുന്ന പദ്ധതികൾ എൻ.ഡി.എ പ്രകടന പത്രികയിലുണ്ടാകും.

- വി.വി. രാജേഷ്, ബി.ജെ.പി ജില്ലാ പ്രസിഡന്റ്

'' യു.ഡി.എഫ് എന്നും തലസ്ഥാന വികസനത്തിന് ഊന്നൽ നൽകിയിട്ടുണ്ട്.

പുതിയ പ്രകടന പത്രികയിലും അതുണ്ടാകും

- വി.എസ്. ശിവകുമാർ എം.എൽ.എ