തിരുവനന്തപുരം: ജില്ലയിൽ ഇന്നലെ 160 പേർക്ക് കൂടി കൊവിഡ് സ്ഥിരീകരിച്ചു. 314 പേർ രോഗമുക്തരായി. രോഗം സ്ഥിരീകരിച്ചവരിൽ 110 പേർക്ക് സമ്പർക്കത്തിലൂടെയാണ് രോഗബാധയുണ്ടായത്. ഇതിൽ നാല് പേർ ആരോഗ്യ പ്രവർത്തകരാണ്. നിലവിൽ 2,925 പേരാണ് രോഗം സ്ഥിരീകരിച്ച് ജില്ലയിൽ ചികിത്സയിൽ കഴിയുന്നത്.

ഇന്നലെ 1,119 പേരെക്കൂടി നിരീക്ഷണത്തിലാക്കി. ഇവരടക്കം ആകെ 21,877 പേർ വീടുകളിലും 51 പേർ സ്ഥാപനങ്ങളിലും ക്വാറന്റൈനിൽ കഴിയുന്നുണ്ട്. 1,541 പേർ നിരീക്ഷണകാലം പൂർത്തിയാക്കി.