രോഗികൾ 212, രോഗമുക്തർ 213

കൽപ്പറ്റ: ജില്ലയിൽ ഇന്നലെ ഒരു ആരോഗ്യ പ്രവർത്തകനുൾപ്പെടെ 212 പേർക്ക് കൊവിഡ് സ്ഥിരീകരിച്ചു. 204 പേർക്ക് സമ്പർക്കത്തിലൂടെയാണ് രോഗബാധ. ഇതിൽ 6 പേരുടെ സമ്പർക്ക ഉറവിടം വ്യക്തമല്ല. ഇതര സംസ്ഥാനങ്ങളിൽ നിന്നെത്തിയ എട്ട് പേർക്കും രോഗം സ്ഥിരീകരിച്ചിട്ടുണ്ട്.
നിലവിൽ ജില്ലയിൽ കൊവിഡ് സ്ഥിരീകരിച്ചവരുടെ എണ്ണം 24,374 ആയി. 21,542 പേർ ഇതുവരെ രോഗമുക്തരായി. ചികിത്സയിലിരിക്കെ 146 പേരാണ് മരിച്ചത്. ഇപ്പോൾ 2686 പേരാണ് ചികിത്സയിലുള്ളതെന്ന് ജില്ലാ മെഡിക്കൽ ഓഫീസർ ഡോ. ആർ. രേണുക അറിയിച്ചു. ഇതിൽ 2086 പേർ വീടുകളിലാണ് ഐസൊലേഷനിൽ കഴിയുന്നത്.

രോഗബാധിതർ
ബത്തേരി സ്വദേശികളായ 34 പേർ, മേപ്പാടി, പനമരം 25 വീതം, കൽപ്പറ്റ, മീനങ്ങാടി 17 വീതം, മാനന്തവാടി 14, മുട്ടിൽ 13, തവിഞ്ഞാൽ, പുൽപ്പള്ളി 7 വീതം, മുള്ളൻകൊല്ലി, വെള്ളമുണ്ട 5 വീതം, അമ്പലവയൽ, നെന്മേനി, പൂതാടി, വെങ്ങപ്പള്ളി, പടിഞ്ഞാറത്തറ 4 വീതം, കോട്ടത്തറ, മൂപ്പൈനാട്, തിരുനെല്ലി 3 വീതം, പൊഴുതന, കണിയാമ്പറ്റ 2 വീതം,
തരിയോട്, വൈത്തിരി 1 വീതം എന്നിങ്ങനെയാണ് സമ്പർക്കത്തിലൂടെ രോഗബാധിതരായത്. കോയമ്പത്തൂരിൽ നിന്നു വന്ന മുള്ളൻകൊല്ലി സ്വദേശിയായ ഒരാളും പുൽപ്പള്ളി സ്വദേശികളായ 4 പേരും കർണാടകയിൽ നിന്നും വന്ന മൂപ്പൈനാട് സ്വദേശികളായ 2 പേരും മുട്ടിൽ സ്വദേശിയായ ഒരാളുമാണ് ഇതര സംസ്ഥാനങ്ങളിൽ നിന്ന് രോഗബാധിതരായി എത്തിയവർ.

രോഗമുക്തർ
പുൽപ്പള്ളി സ്വദേശികളായ 5 പേർ, കൽപ്പറ്റ, പടിഞ്ഞാറത്തറ 4 വീതം, മേപ്പാടി 3, നെന്മേനി, ബത്തേരി, പനമരം, പൊഴുതന, എടവക, വെള്ളമുണ്ട 2 വീതം, മാനന്തവാടി, കണിയാമ്പറ്റ, തവിഞ്ഞാൽ, വൈത്തിരി ഒരാൾ വീതം എന്നിവർക്കു പുറമെ കണ്ണൂർ സ്വദേശികളായ ഒരാളും തമിഴ്‌നാട്ടുകാരായ 3 പേരും വീടുകളിൽ ചികിത്സയിലുള്ള 177 പേരുമാണ് രോഗമുക്തി നേടിയത്.

നിരീക്ഷണത്തിൽ 379 പേർ
കൊവിഡുമായി ബന്ധപ്പെട്ട് ജില്ലയിൽ ഇന്നലെ 379 പേർ നിരീക്ഷണത്തിലായി. ഇതിൽ 33 പേർ ആശുപത്രിയിലാണ്. 983 പേർ നിരീക്ഷണകാലം പൂർത്തിയാക്കി. നിലവിൽ നിരീക്ഷണത്തിലുള്ളത് 6,270 പേർ.

ഇന്നലെ ജില്ലയിൽ നിന്ന് ഇന്നലെ 1253 സാമ്പിളാണ് പരിശോധനയ്ക്ക് അയച്ചത്. ഇതുവരെ പരിശോധനയ്ക്ക് അയച്ച 2,62,162 സാമ്പിളുകളിൽ 2,59,098 പേരുടെ ഫലം ലഭിച്ചു. ഇതിൽ 2,34,724 നെഗറ്റീവും 24374 പോസിറ്റീവുമാണ്.