മാവേലിക്കര: ചെട്ടികുളങ്ങര ദേവീക്ഷേത്രത്തിലെ എതിരേൽപ്പ് മഹോത്സവത്തോടനുബന്ധിച്ച് ഇന്ന് അഞ്ചാം കരയായ കണ്ണമംഗലം തെക്ക് കരയുടെ ഉരുളിച്ച വരവ് നടക്കും. രാവിലെ 7.30ന് ദേവീഭാഗവത പാരായണം, വൈകിട്ട് 4ന് ഉരുളിച്ച വരവ് കണ്ണമംഗലം ശ്രീമഹാദേവർ ക്ഷേത്രത്തിൽ നിന്ന് പുറപ്പെട്ട് ചെട്ടിയാരേത്ത് അൽത്തറ വഴി ചെട്ടികുളങ്ങര ക്ഷേത്രത്തിൽ എത്തിച്ചേരും. ക്ഷേത്രത്തിൽ വൈകിട്ട് 5.30ന് മതപ്രഭാഷണം, 6ന് തോറ്റം പാട്ട്, പുള്ളുവൻ പാട്ട്, 7.30ന് സേവ, 10ന് എതിരേൽപ്പ് വരവ് എന്നിവ നടക്കും. ഇന്നലെ നാലാം കരയായ കൈത വടക്ക് കരയുടെ എതിരേൽപ്പ് മഹോത്സവം നടന്നു. ഉരുളിച്ച വരവിനെതുടർന്ന് വിദ്യാഭ്യാസ സ്കോളർഷിപ്പ് വിതരണവും ചികിത്സ ധനസഹായ വിതരണവും നടത്തി. രാത്രി തിരുവാതിരയും ക്ലാസിക്കൽ ഡാൻസും നെടുവേലിപടി അൻപൊലിയും നടന്നു.