കുട്ടനാട്: വനിതാ ദിനാചരണത്തിന്റെ ഭാഗമായി ഇന്ന് കുട്ടനാട് യൂണിയൻ വനിതാസംഘത്തിന്റെ ആഭിമുഖ്യത്തിൽ വനിതാ സംഗമവും ആദ്യകാല പ്രവർത്തകരെ ആദരിക്കലും നടത്തും. യൂണിയൻ പ്രാർത്ഥനാ ഹാളിൽ ഉച്ചയ്ക്ക് രണ്ടിന് ആരംഭിക്കുന്ന ചടങ്ങിൽ യൂണിയൻ ചെയർമാൻ പി.വി. ബനേഷ് ഭദ്രദീപം തെളിക്കും. ആലപ്പുഴ നഗരസഭ ചെയർപേഴ്സൺ ഇന്ദു വിനോദ് പരിപാടി ഉദ്ഘാടനം ചെയ്യും. വനിതാ സംഘം യൂണിയൻ പ്രസിഡന്റ് ലേഖ ജയപ്രകാശ് അദ്ധ്യക്ഷത വഹിക്കും. യൂണിയൻ കൺവീനർ സന്തോഷ് ശാന്തി ആമുഖ പ്രസംഗവും യൂണിയൻ വൈസ് ചെയർമാൻ എം.ഡി. ഓമനക്കുട്ടൻ മുഖ്യ പ്രഭാഷണവും നടത്തും.

ചമ്പക്കുളം ഗ്രാമപഞ്ചായത്ത് പ്രസിഡന്റ് ജലജകുമാരി, വെളിയനാട് ഗ്രാമപഞ്ചായത്ത് പ്രസിഡന്റ് ബിന്ദു ശ്രീകുമാർ എന്നിവർ വനിതാദിന സന്ദേശം നൽകും. കാവാലം, കൈനകരി പഞ്ചായത്ത് വൈസ് പ്രസിഡന്റുമാരായ റിനിൽ ചന്ദ്രൻ, പ്രസീത മിനിൽകുമാർ യൂണിയൻ അഡ്മിനിസ്‌ട്രേറ്റിവ് കമ്മിറ്റിയംഗം കെ.കെ. പൊന്നപ്പൻ, യൂണിയൻ യൂത്ത്മൂവ്‌മെന്റ് പ്രസിഡന്റ് കെ.പി. സുബീഷ്, വനിതാസംഘം യൂണിയൻ ട്രഷറർ സ്വപ്ന സനൽ തുടങ്ങിയവർ സംസാരിക്കും. വിശിഷ്ടവ്യക്തികൾക്കുള്ള അനുമോദനവും ഉപഹാരസമർപ്പണവും പി.വി. ബനേഷ് നിർവഹിക്കും. വനിതാസംഘം യൂണിയൻ സെക്രട്ടറി സജിനി മോഹൻ സ്വഗതവും വൈസ് പ്രസിഡന്റ് സമിതാ മനോജ്

നന്ദിയും പറയും.