ആലപ്പുഴ: രണ്ട് പൊതുമേഖലാ ബാങ്കുകളെ സ്വകാര്യവത്കരിക്കുവാനുള്ള ബഡ്ജറ്റ് നിർദ്ദേശം പിൻവലിക്കണമെന്നാവശ്യപ്പെട്ട് യുണൈറ്റഡ് ഫോറം ഒഫ് ബാങ്ക് യൂണിയൻസിന്റെ നേതൃത്വത്തിൽ 15,16 തീയതികളിൽ നടക്കുന്ന പണിമുടക്കിന് മുന്നോടിയായി ജീവനക്കാർ നഗരത്തിൽ പ്രകടനം നടത്തി. യു.എഫ്.ബി.യു ജില്ലാ കൺവീനർ വി.എസ്.അനിൽകുമാർ,വിവിധ സംഘടനാ നേതാക്കളായ സി.അനന്തകൃഷ്ണൻ,കെ.യു.നിസാർ അഹമ്മദ്,ടി.രഘുവരൻ,വി.കെ.സോണി,ജോർജ് ഫിലിപ്പ്,ആർ.അനിൽകുമാർ,നീൽ ജോസഫ്,സി.ജയരാജ്,പി.എം.പ്രമോദ് തുടങ്ങിയവർ നേതൃത്വം നൽകി.