ആലപ്പുഴ: വ്യാപാരികളുടെ ന്യായമായ പ്രശ്നങ്ങൾക്ക് പരിഹാരം കാണാൻ കൂടെ നിൽക്കുമെന്ന് ഉറപ്പ് നൽകുന്നവരെ നിയമസഭാ തിരഞ്ഞെടുപ്പിൽ തിരിച്ചും സഹായിക്കുമെന്ന് കേരള വ്യാപാരി വ്യവസായി ഏകോപനസമിതി ആലപ്പുഴ ജില്ലാ സെക്രട്ടേറിയറ്റ് യോഗം ഐകകണ്ഠേനെ തീരുമാനിച്ചു.
റോഡ് വികസനത്തിൽ സ്ഥാപനം നഷ്ടപ്പെടുന്ന വ്യാപാരികൾക്ക് അർഹമായ നഷ്ടപരിഹാരമോ പുനരധിവാസമോ നടപ്പാക്കുക, പുതുക്കിയ വാടകക്കുടിയാൻ നിയമം നടപ്പാക്കുക, അനധികൃത വഴിയോര വാണിഭങ്ങൾ നിരോധിക്കുക തുടങ്ങിയ ആവശ്യങ്ങൾ ഉന്നയിച്ച് കൊണ്ട് നിയോജക മണ്ഡലടിസ്ഥാനത്തിൽ സ്ഥാനാർത്ഥി സംഗമം നടത്തുമെന്ന് സംസ്ഥാന ജനറൽ സെക്രട്ടറി രാജു അപ്സര പറഞ്ഞു. യോഗം രാജു അപ്സര ഉദ്ഘാടനം ചെയ്തു. ജില്ലാ ജനറൽ സെക്രട്ടറി വി.സബിൽ രാജ് അദ്ധ്യക്ഷത വഹിച്ചു. വൈസ് പ്രസിഡന്റ് വി.സി. ഉദയകുമാർ, ജില്ലാ ട്രഷറർ ജേക്കബ് ജോൺ, ജില്ലാവൈസ് പ്രസിഡന്റുമാരായ വർഗ്ഗീസ് വല്ല്യാക്കൽ, സജു പാർത്ഥസാരഥി, കെ.എസ്.മുഹമ്മദ്, ആർ.സുഭാഷ്, പ്രതാപൻ സൂര്യാലയം, യു.സി. ഷാജി, ഹരി നാരായണൻ, സെക്രട്ടറിമാരായ പി.സി.ഗോപാലകൃഷ്ണൻ, എം.എസ്.ഷറഫുദ്ദീൻ, മുഹമ്മദ് നജീബ്, ഐ.ഹലീൽ, നസീർ പുന്നയ്ക്കൽ, എ.കെ.ഷംസുദീൻ, വേണുഗോപാലക്കുറുപ്പ്, രക്ഷാധികാരി എബ്രഹാം പറമ്പിൽ, സെക്രട്ടേറിയറ്റ് അംഗങ്ങളായ ബി.മെഹബൂബ്, ടോമി പുലിക്കാട്ടിൽ, സിനിൽ സബാദ് തുടങ്ങിയവർ സംസാരിച്ചു.