ഹരിപ്പാട്: പ്രതിപക്ഷനേതാവ് രമേശ് ചെന്നിത്തലയുടെ കൈയിലുള്ളത് 25,000 രൂപ. ഭാര്യ അനിത രമേശിന്റെ കൈയിൽ 15,000 രൂപയുമുണ്ട്. നാമനിർദ്ദേശ പത്രികയ്ക്കൊപ്പം നൽകിയ സത്യവാങ്മൂലത്തിലാണ് സ്വത്ത് വിവരം രേഖപ്പെടുത്തിയത്. ഡൽഹി പാർലമെന്റ് ഹൗസിലെ എസ്.ബി.ഐ ശാഖയിൽ 5.89 ലക്ഷം, തിരുവനന്തപുരം ട്രഷറി സേവിംഗ്സ് ബാങ്കിൽ 13.57 ലക്ഷം, ശാസ്തമംഗലം ധനലക്ഷ്മി ബാങ്കിൽ 42,973 രൂപ എന്നിങ്ങനെയാണ് ചെന്നിത്തലയുടെ നിക്ഷേപങ്ങൾ. ഡൽഹി ജൻപഥ് എസ്.ബി.ഐ ശാഖയിൽ 6.16 ലക്ഷം അനിതയുടെ പേരിൽ നിക്ഷേപമുണ്ട്. ഇവിടെത്തന്നെ ഭാര്യയുടെ മറ്റ് രണ്ട് അക്കൗണ്ടുകളിലായി 20.97 ലക്ഷവും 11.99 ലക്ഷവും നിക്ഷേപിച്ചിട്ടുണ്ട്.

ഇന്ത്യൻ ഓവർസീസ് ബാങ്ക് പേരൂർക്കട ശാഖയിൽ 51,367 രൂപ, ആർ.ഡിയായി 1.32 ലക്ഷം, ആക്‌സിസ് ബാങ്കിന്റെ കവടിയാർ ശാഖയിൽ 1.96 ലക്ഷം, തൊടുപുഴ നെടുമറ്റം സർവീസ് സഹകരണ ബാങ്കിൽ 1.27 ലക്ഷം, തൊടുപുഴ ധനലക്ഷ്മി ബാങ്ക് ശാഖയിൽ 10.34 ലക്ഷം എന്നിങ്ങനെയാണ് അനിതയുടെ മറ്റ് നിക്ഷേപങ്ങൾ. മറ്റം ബാങ്കിൽ 4.07 ലക്ഷത്തിന്റെ സ്ഥിര നിക്ഷേപവുമുണ്ട്.

ചെന്നിത്തലയ്ക്ക് വീക്ഷണം ദിനപത്രത്തിൽ 100 രൂപയുടെ 200 ഷെയറും ജയ് ഹിന്ദ് ചാനലിൽ 10 രൂപയുടെ 1000 ഷെയറുമുണ്ട്. എസ്.ബി.ഐ ഇക്വിറ്റി ഹൈബ്രിഡ് ഫണ്ടായി എട്ട് ലക്ഷവും എസ്.ബി.ഐ കോർപറേറ്റ് ബോണ്ട് ഫണ്ടായി ആറ് ലക്ഷവും നിക്ഷേപമുണ്ട്. നാല് ലക്ഷം വിലമതിക്കുന്ന ഇന്നോവ കാർ ചെന്നിത്തലയുടെ പേരിലുണ്ട്. 1.68 ലക്ഷം വിലവരുന്ന 40 ഗ്രാം സ്വർണം ചെന്നിത്തലയ്‌ക്കും 60.48 ലക്ഷം വിലമതിക്കുന്ന 1440 ഗ്രാം സ്വർണം അനിതയ്‌ക്കുമുണ്ട്.

ചെന്നിത്തലയുടെ പേരിൽ 47.26 ലക്ഷത്തിന്റെയും ഭാര്യയുടെ പേരിൽ 1.61 കോടിയുടെയും സമ്പാദ്യമുണ്ട്. ചെന്നിത്തല തൃപ്പെരുന്തുറ വില്ലേജിൽ ചെന്നിത്തലയുടെ പേരിൽ 3.89 ലക്ഷത്തിന്റെ 19.46 ആർസ് ഭൂമിയും ഭാര്യയുടെ പേരിൽ 2.61 ലക്ഷത്തിന്റെ 43.57 ആർസ് ഭൂമിയുമുണ്ട്. തിരുവനന്തപുരം തൈക്കാട്ട് രണ്ട് പേരുടെയും പേരിൽ 3973 ചതുരശ്ര അടി വിസ്തീർണമുള്ള വീടുണ്ട്. ചെന്നിത്തലയുടെ ഉടമസ്ഥതയിലുള്ള വസ്തുവിനും വീടിനുമായി 76.20 ലക്ഷവും ഭാര്യയുടെ ഉടമസ്ഥതയിലുള്ള ഭൂമിക്കും വീടിനും 69.70 ലക്ഷവും മൂല്യമുണ്ട്. ചെന്നിത്തലയ്ക്ക് ധനലക്ഷ്മി ബാങ്ക് ശാസ്തമംഗലം ശാഖയിൽ 2.04 കോടിയുടെ വായ്‌പ ബാദ്ധ്യതയുണ്ട്.

 ചെ​ന്നി​ത്ത​ല​യും​ ​ഉ​മ്മ​ൻ​ചാ​ണ്ടി​യും ഉ​ൾ​പ്പെ​ടെ​ ​ഇ​ന്ന​ലെ​ 90​ ​പ​ത്രി​ക​കൾ

പ്ര​തി​പ​ക്ഷ​ ​നേ​താ​വ് ​ര​മേ​ശ് ​ചെ​ന്നി​ത്ത​ല​ ​ആ​ല​പ്പു​ഴ​യി​ലെ​ ​ഹ​രി​പ്പാ​ട് ​മ​ണ്ഡ​ല​ത്തി​ലും​ ​മു​ൻ​ ​മു​ഖ്യ​മ​ന്ത്രി​ ​ഉ​മ്മ​ൻ​ചാ​ണ്ടി​ ​കോ​ട്ട​യ​ത്തെ​ ​പു​തു​പ്പ​ള്ളി​യി​ലും​ ​ഇ​ന്ന​ലെ​ ​പ​ത്രി​ക​ ​ന​ൽ​കി.​ ​ഇ​തു​ൾ​പ്പെ​ടെ​ 90​ ​പ​ത്രി​ക​ക​ളാ​ണ് ​ഇ​ന്ന​ലെ​ ​സ​മ​ർ​പ്പി​ക്ക​പ്പെ​ട്ട​ത്.​ഇ​തോ​ടെ​ ​പ​ത്രി​കാ​ ​സ​മ​ർ​പ്പ​ണ​ത്തി​ന്റെ​ ​മൂ​ന്നാം​ ​ദി​വ​സം​ ​വ​രെ​ ​ല​ഭി​ച്ച​ ​മൊ​ത്തം​ ​പ​ത്രി​ക​ക​ളു​ടെ​ ​എ​ണ്ണം​ 196​ ​ആ​യി.
മ​ന്ത്രി​മാ​രാ​യ​ ​ഇ.​ച​ന്ദ്ര​ശേ​ഖ​ര​ൻ​ ​കാ​ഞ്ഞ​ങ്ങാ​ട്ടും,​ ​കെ.​കെ.​ശൈ​ല​ജ​ ​മ​ട്ട​ന്നൂ​രും​ ​കെ.​കൃ​ഷ്ണ​ൻ​കു​ട്ടി​ ​പാ​ല​ക്കാ​ട്ടെ​ ​ചി​റ്റൂ​രി​ലും​ ,​ ​സി.​പി.​എം​ ​നേ​താ​വ് ​എം.​വി.​ ​ഗോ​വി​ന്ദ​ൻ​ ​ത​ളി​പ്പ​റ​മ്പി​ലും​ ​എ.​എ​ൻ.​ഷം​സീ​ർ​ ​ത​ല​ശേ​രി​യി​ലും​ ​കേ​ര​ള​ ​കോ​ൺ​ഗ്ര​സ് ​നേ​താ​വ് ​ജോ​സ് ​കെ.​മാ​ണി​ ​പാ​ലാ​യി​ലും​ ​ഇ​ന്ന​ലെ​ ​പ​ത്രി​ക​ ​ന​ൽ​കി​യ​ ​പ്ര​മു​ഖ​രാ​ണ്.​ ​പ​ത്രി​കാ​ ​സ​മ​ർ​പ്പ​ണ​ത്തി​ന് ​ഇ​നി​ ​മൂ​ന്ന് ​ദി​വ​സ​മാ​ണ് ​അ​വ​ശേ​ഷി​ക്കു​ന്ന​ത്.​ ​തി​രു​വ​ന​ന്ത​പു​രം​ ​ജി​ല്ല​യി​ൽ​ ​ഇ​ന്ന​ലെ​ ​കോ​വ​ള​ത്ത് ​കോ​ൺ​ഗ്ര​സ് ​സ്ഥാ​നാ​ർ​ത്ഥി​ ​എം.​വി​ൻ​സ​ന്റും​ ​പാ​റ​ശാ​ല​യി​ൽ​ ​ബി.​ജെ.​പി.​സ്ഥാ​നാ​ർ​ത്ഥി​ ​ക​ര​മ​ന​ ​ജ​യ​നും​ ​പ​ത്രി​ക​ ​ന​ൽ​കി.​ ​ലോ​ക്സ​ഭാ​ ​ഉ​പ​തി​ര​ഞ്ഞെ​ടു​പ്പ് ​ന​ട​ക്കു​ന്ന​ ​മ​ല​പ്പു​റം​ ​മ​ണ്ഡ​ല​ത്തി​ൽ​ ​ഇ​ന്ന​ലെ​ ​എ​സ്.​ഡി.​പി.​ഐ.​ ​സ്ഥാ​നാ​ർ​ത്ഥി​ ​ത​സ്ലിം​ ​അ​ഹ​മ്മ​ദ് ​റ​ഹ്മാ​നിപ​ത്രി​ക​ ​സ​മ​ർ​പ്പി​ച്ചു.