ചേർത്തല: വയലാറിൽ ആർ.എസ്.എസ് പ്രവർത്തകൻ കൊല്ലപ്പെട്ട സംഭവത്തിൽ പ്രതികളെ സംരക്ഷിച്ചതിന് 2 പേർ കൂടി പിടിയിലായി. വൈക്കം വെച്ചൂർ ഇല്ലിക്കൽ ഷിജിമോൻ (42), തലയോലപ്പറമ്പ് ചരിവിൽ റഷീദ് (50) എന്നിവരെയാണ് അറസ്​റ്റു ചെയ്തത്. കോടതിയിൽ ഹാജരാക്കിയ ഇവർക്ക് ജാമ്യം അനുവദിച്ചു. കേസിൽ നേരിട്ട് പങ്കെടുത്ത പ്രതി ഷംസുദിനെ ഒളിപ്പിച്ചതിനാണ് ഇവരെ അറസ്​റ്റു ചെയ്തതെന്ന് പൊലീസ് പറഞ്ഞു.ഇതോടെ പ്രതികളെ ഒളിപ്പിച്ചതിന് അറസ്​റ്റിലായവരുടെ എണ്ണം 5 ആയി.

കേസിലെപ്രധാന പ്രതി ഷംസുദിനെ ഇനിയും പിടികൂടാനായിട്ടില്ല.

കേസിൽ നേരിട്ട് പ്രതികളായ 14 പേരാണ് ഇതുവരെ പിടിയിലായത്. 25 പ്രതികളുണ്ടെന്നാണ് പൊലീസിന്റെ പ്രാഥമിക നിഗമനം. കഴിഞ്ഞ 24ന് രാത്രി നാഗംകുളങ്ങര കവലയിൽ എസ്.ഡി.പി.ഐ ആക്രമണത്തിലാണ് നന്ദുകൃഷ്ണ വെട്ടേ​റ്റ് മരിച്ചത്.