ചേർത്തല: കേരള സ്റ്റേറ്റ് സർവീസ് പെൻഷനേഴ്സ് യൂണിയൻ മാരാരിക്കുളം വടക്ക് യൂണിറ്റ് വാർഷിക പൊതുയോഗം കഞ്ഞിക്കുഴി ബ്ലോക്ക് പ്രസിഡന്റ് കെ.കൈലാസൻ ഉദ്ഘാടനം ചെയ്തു. കണിച്ചുകുളങ്ങര എസ്.സി.ബി ഓഡിറ്റോറിയത്തിൽ നടന്ന യോഗത്തിൽ യൂണിറ്റ് പ്രസിഡന്റ് വി.കെ. മോഹനദാസ് അദ്ധ്യക്ഷത വഹിച്ചു. സെക്രട്ടറി പി.വി. സുരേന്ദ്രൻ റിപ്പോർട്ടും കണക്ക് ട്രഷറർ കെ. ഭാസ്കരൻ നായരും അവതരിപ്പിച്ചു. യൂണിറ്റ് അംഗങ്ങളായ, മാരാരിക്കുളം വടക്ക് ഗ്രാമപഞ്ചായത്ത് പ്രസിഡന്റായി തിരഞ്ഞെടുക്കപ്പെട്ട സുദർശനാഭായി, പഞ്ചായത്ത് അംഗമായി തിരഞ്ഞെടുക്കപ്പെട്ട മാലൂർ ശ്രീധരൻ എന്നിവരെ യൂണിറ്റ് കമ്മിറ്റിക്ക് വേണ്ടി ബ്ലോക്ക് പ്രസിഡന്റ് കെ.കൈലാസൻ പൊന്നാടയണിയിച്ച് ആദരിച്ചു. ബ്ലോക്ക് സെക്രട്ടറി എം.വി. സോമൻ, ടി.ജി. ഗോപിനാഥ്, ടി.എൻ. പത്മനാഭക്കുറുപ്പ്, കെ.എൻ. ചെല്ലപ്പൻ എന്നിവർ സംസാരിച്ചു.