കായംകുളം: പാർക്ക് ജംഗ്‌ഷനിലെ പാലം നിർമ്മാണം സംബന്ധിച്ച് ഉണ്ടായിട്ടുള്ള ജനകീയ പ്രതിഷേധത്തിൽ അഴിമതിക്കാരായ ഉദ്യോഗസ്ഥരെയും നിർമ്മാണ കരാറുകാരനെയും സംരക്ഷിക്കാനാണ് സർക്കാർ ശ്രമിക്കുന്നതെന്ന് കെ.പി.സി.സി സെക്രട്ടറി ഇ സമീർ ആരോപിച്ചു. പാലം നിർമ്മാണത്തിന് എത്തിച്ചത് പഴകിയ തുരുമ്പിച്ച കമ്പികളാണ്. തൊഴിലാളികളെ അറിയിക്കാതെയാണ് കൊണ്ടുവന്നിറക്കിയത് നാട്ടുകാർ തടയുകയായിരുന്നു. അഴിമതി ഉന്നത സമിതി അന്വേഷി​ക്കണമെന്നും യു.ഡി.എഫ് ആവശ്യപ്പെട്ടു.

പാലം നിർമ്മാണത്തിൽ അഴിമതി ഉണ്ടെന്ന് ബി.ജെ.പി കായംകുളം നിയോജക മണ്ഡലം കമ്മി​റ്റി ആരോപിച്ചു. അഴിമതിക്കെതിരെ പ്രതിഷേധ പ്രകടനം നടത്തുകയും ചെയ്തു.