ഹരിപ്പാട്: എൻ.ഡി.എ സ്ഥാനാർത്ഥി കെ.സോമന്റെ തിരഞ്ഞെടുപ്പ് പ്രചരണാർത്ഥം ഉത്തർപ്രദേശ് മുഖ്യമന്ത്രി യോഗി ആദിത്യനാഥ് ഏപ്രിൽ 1ന് ഹരിപ്പാട് നഗരത്തിൽ റോഡ് ഷോ നടത്തുമെന്ന് ഭാരവാഹികൾ വാർത്തസമ്മേളനത്തിൽ അറിയിച്ചു.10.30 ന് ഹരിപ്പാട് സുബ്രഹ്മണ്യസ്വാമി ക്ഷേത്രത്തിന് മുന്നിൽ നിന്ന് ആരംഭിക്കുന്ന റോഡ് ഷോ നഗരം ചുറ്റി 11.30 ന് ടൗൺ ഹാൾ ജംഗ്‌ഷനിൽ സമാപിക്കും. വാർത്താ സമ്മേളനത്തിൽ കെ.സോമൻ, പ്രണവം ശ്രീകുമാർ, വിനോദ്, പി ആർ പ്രസാദ്, എസ്.വിശ്വനാഥൻ എന്നിവർ പങ്കെടുത്തു.