ഹരിപ്പാട്: ആയുർവേദ മെഡിക്കൽ അസോസിയേഷൻ ഒഫ് ഇന്ത്യയുടെ ആയുർവേദ പ്രചാരൺ പുരസ്കാരത്തിന് ഡോ. ആർ. ശ്രീനി അർഹനായി. ആയുർവേദ ചി​കി​ത്സാ മേഖലയി​ലെ മി​കവും ബോധവത്കരണവും പരി​ഗണി​ച്ചാണ് അവാർഡ്.

എറണാകുളം കലൂരിൽ നടന്ന സംസ്ഥാന സമ്മേളനത്തിൽ ഹൈബി ഈഡൻ എം.പി അവാർഡ് സമ്മാനിച്ചു.

കുമാരപുരം ഗവ. ഡിസ്പെൻസറി മെഡിക്കൽ ഓഫീസറായിരിക്കെ ആയുർവേദിക് പ്രിവന്റീവ് ഓങ്കോളജി എന്ന ആശയത്തെ മുൻനി​ർത്തി ഇദ്ദേഹം അവതരി​പ്പി​ച്ച വിഷൻ 2019 എന്ന പദ്ധതി അന്താരാഷ്ട ആയുഷ് കോൺക്ലേവിലെ മികച്ച നാലു പദ്ധതികളിലൊന്നായി തിരഞ്ഞെടുക്കപ്പെട്ടി​രുന്നു.

ഫേസ് ബുക്കിലെ 'ഞായറാഴ്ചക്കുറുക്ക് ' എന്ന പ്രതിവാര പംക്തി ആയുർവേദ പരി​പാടി​യും ശ്രദ്ധേയമാണ്.

നിലവിൽ ചെന്നിത്തല ഗവ. ആയുർവേദ ആശുപത്രിയിൽ മെഡിക്കൽ ഓഫീസറാണ് ഇദ്ദേഹം.

തിരുവനന്തപുരം ഗവ. ആയുർവേദ മെഡിക്കൽ കോളേജിൽ നിന്നും നാലാം റാങ്കോടെ ബി.എ.എം.എസ് പഠനം പൂർത്തിയാക്കിയ ഇദ്ദേഹം എ.എം എ.ഐയുടെ സജീവ പ്രവർത്തകനാണ്.

നിലവിൽ എ.എം.എ.ഐ ജില്ലാ കമ്മി​റ്റി അംഗമാണ്. കരുവാറ്റ പാളപ്പുറത്ത് റിട്ട. പോസ്റ്റ് മാസ്റ്റർ രാമചന്ദ്രൻ നായരുടെയും റിട്ട. അദ്ധ്യാപിക ഓമനയുടെയും മകനാണ്. ഭാര്യ സജിത ആർ. കുറുപ്പ് തലവടി ഗവ. ആയുർവേദാശുപത്രി മെഡിക്കൽ ഓഫീസറാണ്. ഏകമകൾ: ഹരിചന്ദന 11-ാം ക്ലാസ് വിദ്യാർത്ഥിനി.