അരൂർ: അരൂർ അഗ്നി രക്ഷാനിലയത്തിൽ സിവിൽ ഡിഫൻസ് വോളണ്ടി​യർമാരുടെ രണ്ടാമത്തെ ബാച്ചിന്റെ പ്രായോഗിക പരിശീലനവും ബോധവത്കരണ ക്ലാസും ആരംഭിച്ചു. സ്റ്റേഷൻ ഓഫീസർ ആർ.ബാബു ഉദ്ഘാടനം ചെയ്തു. 20 പേരടങ്ങുന്ന യുവതി യുവാക്കളാണ് പരീശീലനത്തിൽ പങ്കെടുക്കുന്നത്. പ്രഥമ ശുശ്രൂഷ, ഫയർ ഫൈറ്റിംഗ്, പ്രകൃതിദുരന്തങ്ങളിലും മറ്റും സ്വീകരിക്കേണ്ട അത്യാവശ്യ കാര്യങ്ങൾ തുടങ്ങിയവയി​ലാണ് പരിശീലനം. അസി. സ്റ്റേഷൻ ഓഫീസർ കെ.വി.മനോഹരൻ, ഫയർ ആൻറ് റെസ്ക്യൂ ഓഫീസർ എം.മനുക്കുട്ടൻ, ടി.വി.രജ്ഞിത്ത് എന്നിവർ നേതൃത്വം നൽകി.