മുതുകുളം :പുല്ലു കുളങ്ങര സർവ്വീസ് സഹകരണ ബാങ്ക് ക്ലിപ്തം നമ്പർ 2992ന്റെ വാർഷിക പൊതുയോഗംബാങ്ക് പ്രസിഡന്റ് അഡ്വ.ഡി.സുധാകരന്റെ അദ്ധ്യക്ഷതയിൽ നടന്നു.

ബാങ്ക് അങ്കണത്തിൽ നടന്ന ചടങ്ങി​ൽ ബാങ്ക് സെക്രട്ടറി എം.വൈ. സമീന സ്വാഗതം പറഞ്ഞു. തുടർന്ന് റിപ്പോർട്ടും കണക്കും അവതരിപ്പിച്ചു. രാജ്യത്തെ മികച്ച കർഷകരിൽ ഒരാളായി തി​രഞ്ഞെടുത്ത പഞ്ചായത്ത് നാഷണൽ ബാങ്ക് മുൻ മാനേജർ കൊറ്റിനാട്ട് എം.ഗോപാലകൃഷ്ണപിള്ളയേയും ഈ വർഷത്തെ സംസ്ഥാന വനമിത്ര അവാർഡ് ജേതാവ് കണ്ടല്ലൂർ വടക്ക് പ്രണവം കെ.ജി.രമേശിനേയും ആദരി​ച്ചു. ബാങ്ക് അംഗങ്ങളുടെ കുട്ടികളി​ൽ എസ്.എസ്.എൽ.സി, സി.ബി.എസ്.സി. പത്താം ക്ലാസ്, പ്ലസ്ടു പരീക്ഷകളിൽ മികച്ച വിജയം നേടി​യവർക്ക് കാഷ് അവാർഡുകൾ വിതരണം ചെയ്തു. ഭരണ സമിതി അംഗങ്ങളായ കെ.മുഹമ്മദ് കുഞ്ഞ്, ഹാലിദ്, അഡ്വ.എ. അജികുമാർ, എ.അജിത്ത്, അഭിലാഷ്.എം, ശ്രീജേഷ്.എസ്,രമണി.ആർ, എൻ.ശോഭനകുമാരി, ജെ.ഉഷാകുമാരി എന്നിവർ സംസാരിച്ചു. കെ.അനീഷ്‌കുമാർ നന്ദി​ പറഞ്ഞു.