ന്യൂഡൽഹി: മുൻ സുപ്രീംകോടതി ജഡ്ജി മാർക്കണ്ഡേയ കട്ജുവിനെതിരെ കോടതിയലക്ഷ്യനടപടിക്ക് അനുമതി നൽകണമെന്ന ആവശ്യം പരിഗണിക്കാൻ വിസമ്മതിച്ച് അറ്റോർണി ജനറൽ കെ.കെ. വേണുഗോപാൽ. 16 വർഷമായി പരിചയമുള്ള വ്യക്തിയാണെന്നും സോളിസിറ്റർ ജനറലിനെ സമീപിക്കാനും ഹർജിക്കാരനായ അഡ്വ. അലോക് ശ്രീവാസ്തവയ്ക്ക് നിർദ്ദേശം നൽകി.

പഞ്ചാബ് നാഷണൽ ബാങ്ക് തട്ടിപ്പുക്കേസ് പ്രതി നീരവ് മോദിയെ ഇന്ത്യയ്ക്ക് കൈമാറാനുള്ള ഉത്തരവിൽ ലണ്ടനിലെ കോടതി മാർക്കണ്ഡേയ കട്ജുവിനെ വിമർശിച്ചിരുന്നു. ഇന്ത്യയിൽ നീരവ് മോദിക്ക് നീതിയുക്തമായ വിചാരണ ലഭിക്കില്ലെന്നായിരുന്നു കട്ജുവിന്റെ വാദം. ഇന്ത്യൻ ജുഡിഷ്യറിയെ താഴ്ത്തിക്കെട്ടാൻ കട്ജു ശ്രമിച്ചെന്നാണ് അഡ്വ. അലോക് ശ്രീവാസ്തവയുടെ പരാതി.