കൊച്ചി: പൊതുസമ്പദ്ഘടനയെ നിലനിർത്തുന്നതിലും സുതാര്യത ഉറപ്പ് വരുത്തുന്നതിലും സി.എ പ്രൊഫഷണലുകൾ പുലർത്തുന്ന സൂക്ഷ്മത വിലമതിക്കാനാവാത്തതാണെന്ന് കൊച്ചി സിറ്റി പൊലീസ് കമ്മീഷണർ സി.എച്ച്. നാഗരാജു പറഞ്ഞു. ഇൻസ്റ്റിറ്റ്യൂട്ട് ഒഫ് ചാർട്ടേഡ് അക്കൗണ്ടന്റ്‌സ് ഓഫ് ഇന്ത്യ (ഐ.സി.എ.ഐ) എറണാകുളം ബ്രാഞ്ച് ഭാരവാഹികളുടെ ചുമതല കൈമാറുന്ന ചടങ്ങ് ഉദ്ഘാടനം ചെയ്യുകയായിരുന്നു അദ്ദേഹം. ജില്ലാ കളക്ടർ എസ്.സുഹാസ് അദ്ധ്യക്ഷത വഹിച്ചു.

ബ്രാഞ്ച് ചെയർമാൻ രഞ്ജിത്ത് ആർ. വാര്യർ, സെക്രട്ടറി ദീപ വർഗീസ്, മുൻ എസ്. ഐ. ആർ. സി. ചെയർമാൻ ജോമോൻ കെ. ജോർജ്, ബാബു എബ്രഹാം കള്ളിവയലിൽ , മുൻ ചെയർമാൻ റോയ് വർഗീസ്, പി.ആർ . ശ്രീനിവാസൻ, സികാസ ചെയർമാൻ സലിം എന്നിവർ സംസാരിച്ചു. ചാർട്ടേഡ് അക്കൗണ്ടന്റായി അംഗീകാരം ലഭിച്ച പ്രീതു ജയപ്രകാശിനെ ചടങ്ങി​ൽ ആദരിച്ചു.