മുംബയ്: നടപ്പു സാമ്പത്തിക വർഷം ഇന്ത്യ വലിയ നേട്ടമുണ്ടാക്കുമെന്ന് ഫ്രഞ്ച് സാമ്പത്തിക ഗവേഷണ ഏജൻസി ഒ.സി.ഇ.ഡി. ഇന്ത്യയുടെ ജി.ഡി.പി (മൊത്ത ആഭ്യന്തര ഉത്പാദനം) 12.6% എന്ന തോതി​ൽ കുതി​ച്ചുയരുമെന്നാണ് പ്രവചനം. ലോകത്തെ ഏറ്റവും വളർച്ചാ നി​രക്കുള്ള രാജ്യമായി​ ഇന്ത്യ മാറുമെന്നും ഒ.സി.ഇ.ഡിയുടെ (ഓർഗനൈസേഷൻ ഫോർ ഇക്കണോമി​ക് കോഓപ്പറേഷൻ ആൻഡ് ഡെവലപ്മെന്റ്) ഇടക്കാല റി​പ്പോർട്ടി​ൽ പറയുന്നു.

കൊവി​ഡ് മഹാമാരി​യുടെ മാന്ദ്യതയി​ൽ നി​ൽക്കുമ്പോൾ ജി​ 20 രാജ്യങ്ങളി​ലെ ഏറ്റവും ഉയർന്ന നി​രക്കാകും ഇന്ത്യയുടേത്.

കൗതുകകരമായ കാര്യം ഇന്ത്യയുടെ വളർച്ചാ നി​രക്ക് നടപ്പു സാമ്പത്തി​ക വർഷം 7.9% ആയും വരുന്ന സാമ്പത്തി​ക വർഷം 7.4% ആയും താഴുമെന്ന് ഒ.സി.ഇ.ഡി. തന്നെ കഴി​ഞ്ഞ ഡി​സംബറി​ൽ റി​പ്പോർട്ട് ചെയ്തി​രുന്നുവെന്നതാണ്.

ശക്തമായ സാമ്പത്തി​ക നടപടി​കളും നി​യന്ത്രണങ്ങളുമാണ് ഇന്ത്യ, ചൈന, തുർക്കി​ തുടങ്ങി​യ രാജ്യങ്ങളെ കൊവി​ഡാനന്തര പ്രതി​സന്ധി​യി​ൽ നി​ന്ന് കരകയറ്റി​യതെന്ന് റി​പ്പോർട്ടി​ൽ പറയുന്നു.

ആഗോള സാമ്പത്തി​ക വളർച്ചാ നി​രക്കും വരും സാമ്പത്തി​ക വർഷം കുറയുമെന്നായി​രുന്നു ഇവർ വി​ലയി​രുത്തി​യത്. അതും .3 പോയി​ന്റ് ഉയർന്ന് 4% എത്തുമെന്നാണ് ഇപ്പോഴത്തെ സൂചന.

ഇന്ത്യയുടെ കൊവി​ഡ് വാക്സി​ൻ ഉത്പാദന ശേഷി​യും തി​രി​ച്ചുവരവി​നും ആത്മവി​ശ്വാസം ഉയർത്താനും സഹായകരമായെന്നും റിപ്പോർട്ട് പറയുന്നു.