മൂവാറ്റുപുഴ: ഇന്ധനവിലയുടെ കുതിപ്പ് പൈനാപ്പി​ളുമായി​ അയൽ സംസ്ഥാനങ്ങളി​ലേക്ക് പായുന്ന ലോറികളി​ലെ തൊഴി​ലാളി​കളെയും ഉടമകളെയും വമ്പൻ പ്രതിസന്ധിയിലാക്കി. ഓട്ടവും കുറവ് ചെലവ് ഡബിളും എന്നതാണ് സ്ഥിതി.

മൂവാറ്റുപുഴ, വാഴക്കുളം പ്രദേശത്തെ പൈനാപ്പിൾ മേഖലയെ ഈ പ്രശ്നം സാരമായി ബാധിച്ചു കഴിഞ്ഞു. മുംബായ് ട്രിപ്പിന് 40,000 രൂപയാണ് നിലവിലെ ലോറി വാടക. ഇപ്പോഴത്തെ സാഹചര്യത്തിൽ 50,000 രൂപയെങ്കി​ലും കി​ട്ടാതെ ലാഭകരമല്ല ഓട്ടം. ലോറി​ച്ചെ​ലവും രണ്ട് ഡ്രൈവർമാരുടെ കൂലി​യും മറ്റും നോക്കുമ്പോൾ മുന്നോട്ടുപോകാനാവാത്ത സ്ഥി​തി​യി​ലാണ് ഉടമകൾ.

പൈനാപ്പിളി​ന്റെ വില തകർച്ചയിൽ കർഷകർ നട്ടം തിരിയുമ്പോൾ ചരക്കുകൂലി കൂട്ടുന്ന കാര്യം ലോറിക്കാർക്കും ആലോചിക്കാൻ പറ്റില്ല.

ദിവസം 120-150 ലോറികൾ പൈനാപ്പിളുമായി​ ഇവി​ടെ നി​ന്ന് അന്യസംസ്ഥാനങ്ങളിലേക്ക് പോകുന്നുണ്ട്. ഇതി​ൽ 80 ലോറി​കളും മൂവാറ്റുപുഴക്കാരുടേതാണ്. ഏകദേശം 1500 ടൺ ചരക്കാണ് ഒരു ദി​വസം കയറി​പ്പോകുന്നത്.

വളരെ ദയനീയമായ അവസ്ഥയാണ്. അടിക്കടിയുള്ള ഇന്ധന വില രൂക്ഷം. ഈ മേഖലയിൽ പിടിച്ചു നിൽക്കാൻ

പാടുപെടുന്നു.

ശ്രീനിവാസ റാവു

പൈനാപ്പിൾ വ്യാപാരി

ഇന്ധവില നല്ലതുപോലെ കുറഞ്ഞാൽ മാത്രമേ ഈ പ്രതിസന്ധി നേരിടാൻ പറ്റൂ. സി.സി ലോൺ അടവുകൾ പോലും സാധി​ക്കുന്നി​ല്ല. കൈയ്യിലുള്ള രൂപ കൊണ്ടാണ് തി​രി​ച്ചടവ്.

രതീഷ്,

ലോറി​ ഉടമ

വാടക വർദ്ധിപ്പിച്ച് കിട്ടിയാലേ ഞങ്ങളുടെ വരുമാനം കൂടുകയുള്ളൂ. ഈ സ്ഥിതി വളരെ പരിതാപകരം.

അജിൽ പി.എസ്

ലോറി​ ഡ്രൈവർ